深夜食堂 (已結業)

深夜食堂呢個名聽落就覺得吸引，一於試下有咩好食！9點入座，場內依然爆滿，等位等左大概10分鐘就有位。場內裝潢滿滿的日系居酒屋feel，雖然座位唔算寬闊，不過竟然有個露台，客人可以選擇坐出面，如果秋天黎坐露台食住串燒，飲下啤酒吹下風應該都幾寫意。好啦講下食物先。蟹子芝士玉子燒呢個一定要點，上既時候，店員會係你面前幫你切好，十分貼心。濃郁既芝士配上滑嫩既玉子真係食到停唔到口呢燒牛舌燒到好香，好入味黑松露鵝肝牛肉飯鵝肝唔多，不過牛肉份量都大，飯都好香。燒雞翼好食，送酒一流雞腎都唔錯燒海蝦落左好多蒜，超香店員服務態度好好，而且食物質素中上，係把酒談天既好地方