沃川自家料理

營業中

休息中

過開尖東想搵日本嘢食，唔打唔撞就入咗嚟呢一間雖然門面細細但裏面樣樣齊全，菜品豐富嘅日式料理小店，一入去，店員就好熱情介紹新菜式同招牌菜式，十分親切。我哋先點咗買一送一嘅黑白啤配酒盗芝士先熱身。酒盗芝士味道（$78）十分正宗。我哋點咗六款刺身，餐廳非常細心咁將每款刺身由淡口到濃口順序排好，指導我哋慢慢細味。先由白身魚刺身食起，再到鮟鱇魚肝、生蠔刺身、刺身帶子夾海膽，最後先到炙燒吞拿魚赤身。串燒時間，價錢一d都唔貴，可以好任性咁點，我哋點咗柚子鹽 白鱔（1串）、雞腳筋串（1串）、雞肝串（1串）、雞胸軟骨串（1串）、牛舌串、月見免治雞肉棒，全部都燒得剛剛好，裡面仍然十分鮮嫩多汁。田樂豆腐係炸嫩豆腐嘅表面塗上甜甜嘅味噌醬。呢個係餐廳新推出嘅菜式，而我亦都未見過有餐廳賣呢一個部位，十分少見，原來非常過癮，而且爆炒後味道非常惹味。最後一個菜式以熱辣辣嘅炒飯作結， 十分滿足。