味火鍋 (雅仕洋樓)

環境舒服又寬敞，有得坐卡位靜靜地同朋友傾下計。用餐時間無限時。食齊火鍋四部曲！自選頭盤：芝士焗波士頓龍蝦（半邊）🦞及黑松露芝士焗美國生蠔🦪好厚層既芝士鋪面，邪惡👿龍蝦肉質彈牙啖啖肉；生蠔又肥美飽滿！時令海鮮拼盤新鮮海蝦、台山蠔、蜆、新鮮魚片自家製手打墨魚丸、 自家製手打蝦丸、日式蟹棒火鍋海鮮食得出係超清鮮，特別最愛蝦，口感彈牙。其次係蜆，一口食好滑嘟嘟。手打丸都好爽口！美國安格斯牛肉拼盤三款牛肉，全部望落都好靚，食落肉質亦很嫩滑！駕鴦湯底鮮蕃茄豬骨濃湯鍋&四川麻辣鴨血鍋（BB辣）一邊酸酸，一邊麻辣，中間仲有細細格清湯，賣相好吸引。中意食咩味就落邊邊；蕃茄湯大大中和了重口味的麻辣。其他四色前菜一開始先食可以開開胃。而肉類、餃類及小食都可以在電話任叫。飲品自取任飲，除了鍾情韓國飲品外，竟然有復古玻璃瓶可樂！