8鍋臭臭鍋 (金巴利道) (已結業)

今日終於黎到位於金巴利道77號既8鍋臭臭鍋，呢度地方闊落，坐得好舒服，唔會好似一啲火鍋店咁位貼位，就算滿座都坐得舒服。湯底選擇好多，今次揀咗招牌臭臭鍋同酸辣羊肉鍋。招牌臭臭鍋湯底清甜，入面款式多，臭豆腐好夠入味，鴨血大大舊，有置身於台灣嘅感覺。仲有驚喜嘅鵪鶉蛋，唔係好多地方食到。酸辣羊肉鍋：酸酸辣辣咁，配合羊肉好夾，今次仲叫咗增量羊肉，份量好多，食肉一族啱晒，另外加左鬼椒，辣得來有種獨特風味，食辣人士必食👍🏻👍🏻另外依加做緊優惠一口臭豆腐，正宗台式臭豆腐，酥脆外皮，軟滑豆腐，鍾意食台式臭豆腐人士不容錯過。另外仲叫咗一客油炸鬼，金黃香脆，點落啲湯度吸晒湯嘅精華，正👍🏻👍🏻👍🏻另外，叫咗兩杯嘢飲，分別係香芋奶茶同凍柑桔檸檬梳打，香芋奶茶芋頭味充足，又唔會太甜，正！至於凍柑桔檸檬梳打夠晒清亮，啱晒夏天飲👍🏻👍🏻台式臭臭鍋，10分好食鍾意食台式嘢嘅人，不容錯過👍🏻👍🏻