餓媽家姐 (已搬遷) 新店位置

最近見呢間餓媽家姐好多人介紹，咁啱呢日喺附近shopping完，就過嚟外賣🙌🏻海鮮拼盤材料有炸鰕、炸蠔、炸蟹肉忌廉薯餅和魷魚鬚，即叫即炸，款款都烹調得金黃酥脆！拼盤中，特別驚喜就係炸蟹肉忌廉薯餅，外層厚度適中，脆卜卜，內裡忌廉軟熟，口感滑順，為整個拼盤增添豐富層次感。陳皮魚蛋要數街頭小食，一定離唔開魚蛋燒賣。燒賣大大粒，有魚味。陳皮魚蛋色澤金黃，入口有豐富嘅陳皮香味，唔錯！今日時間比較夜，距離半個鐘就收舖，原本想試吓招牌粉紅脆香單骨雞翼，可惜已經沽清，下次一定要早啲嚟😃