CARAT Fine Indian and Mediterranean Cuisine (盈豐商業大廈)

營業中

休息中

上次同朋友去尖沙咀搵到呢間印度地中海餐廳，發現真係好好食。今次帶屋企人一齊試下其他菜式，果然冇失望。先嚟嘅喺羊架配石榴汁薯蓉及彩虹甘筍，羊肉嘅調味好惹味，而且每隻羊架的大細啱啱好，幾啖食完唔會太膩，薯蓉好幼滑好creamy，彩虹甘筍又夠健康，可以減低罪惡感。然後就係希臘哈羅米芝士車厘茄火箭菜沙律，呢個沙律唔單止撒咗芝士粉，仲有一塊塊厚實嘅烤哈羅米芝士，味道香濃，加上粗鹽同法式油醋汁，健康清新又唔會太寡。乳酪番紅花薄荷羊肉香飯，呢個我上次食過，今次推介埋屋企。強烈建議撈埋Yogurt食，既可以中和到羊肉飯嘅辣味，又有清涼嘅口感，好適合夏天食。天多利燒連骨雞腿馬沙拉咖哩，香辣惹味。搭配牛油烤餅，味道一流。最後我哋叫咗椰子雪糕做甜品，椰子香味濃郁，仲有椰子粒。