圓山台灣料理 (已結業)

姑姐姑丈復活節由加拿大過黎香港旅遊，我地當然要一儘地主之誼同佢地好好遊覽一下香港啦。星期日，我地大概10點半係酒店接左姑姐姑丈就直接去行程嘅第一站: 尖沙咀圓山台灣料理飲茶食台粵點心。金巴利道呢間圓山台灣料理已經開業超過20年，由於呢度嘅點心好好食，所以我同老婆好多時都會係假日中午過黎飲茶食點心，今日我地到餐廳時剛好11點，餐廳剛剛開門，客人仲未係好多，不過12點之後就好多人。餐廳裝修簡潔企理，而且座位寬闊，坐得好舒服。😙午市除左有多款點心選擇之外，另外仲有商務套餐，4人餐$428已經好豐富，不過難得同姑姐姑丈過黎食，我地今日就冇揀套餐，點左好多款我地覺得比較出色嘅點心俾佢地品嚐下。😊台式胡椒餅 $36胡椒餅好有台灣特色，外層鬆脆，雖然餡料有香濃胡椒味，不過唔會太辣，鮮嫩多汁。😍冰鎮南非鮑 $88隻呢款南非鮑我地第一次點，鮑魚好軟腍入味，而且富有彈性，每隻都已經切開4片，4個人share都好滿足。😍懷舊水晶鮮蝦餃 $40圓山嘅蝦餃一籠係有5隻，蝦餃皮彈牙，中間啖啖爽口鮮蝦，超正。😋招牌極品溜沙包 $36我地每一次黎都會點呢款溜沙包，麵包非常鬆軟，奶皇餡超流心，咸蛋王味濃，超惹味👍台式小