影片
更多
2023-08-16
1984 瀏覽
每人每日嘅心情都唔同 無論你呢日過嘅係Good Day定Bad Day定Mama Day🫢 食返餐好嘅 心情都會好返好多 呢晚就嚟咗搵呢間樓上cafe食餐好嘅🤪蒲燒三文魚腩日式沙律呢個三文魚腩真係燒得好香口 食落好香魚油味 配埋沙律菜食就唔會好油膩☺️ 呢個日式沙律 仲有啲海草喺入面 真係幾有特色🥗點解個個都叫軟殼蟹比薩架（仲要有菠蘿）餸菜嘅名好特別😂 有成大隻軟殼蟹就擺喺pizza上面🦀 軟殼蟹炸得好酥脆 每一塊都有蟹柳 菠蘿同千島醬 餅皮係薄批 所以食落好脆口🍕 好鍾意佢嘅薄批 啲邊脆到好似食餅乾一樣😉你有個大蝦頭飯桶朋友恰似其名 就係有兩大隻蝦頭放喺飯上面🦐 蝦肉幾彈牙 底下嘅飯入面加咗芝士同菇 口感非常rich同creamy🥰 記住，期望愈大，失望愈大…雞翼有三隻味可以選擇 我哋叫咗蜜糖芥末味🫢 雞翼好脆 而且單骨比較容易食用😎 配埋甜甜地嘅蜜糖芥末醬 味道一啲都唔失望👍🏻茫茫人海遇見你嘅途中又夾雜住又酸又甜呢個甜品就係芒果雪葩😂 就好似佢個名咁 味道酸酸甜甜 即使食到晚餐嘅尾聲都唔會太膩食唔到🍧 我好鍾意佢一點點黃色嘅檸檬醬 食落口好清新焦糖脆脆脆沙冰呢個沙冰嘅基底係咖啡味嘅
每人每日嘅心情都唔同 無論你呢日過嘅係Good Day定Bad Day定Mama Day🫢 食返餐好嘅 心情都會好返好多 呢晚就嚟咗搵呢間樓上cafe食餐好嘅🤪
蒲燒三文魚腩日式沙律呢個三文魚腩真係燒得好香口 食落好香魚油味 配埋沙律菜食就唔會好油膩☺️ 呢個日式沙律 仲有啲海草喺入面 真係幾有特色🥗
點解個個都叫軟殼蟹比薩架（仲要有菠蘿）餸菜嘅名好特別😂 有成大隻軟殼蟹就擺喺pizza上面🦀 軟殼蟹炸得好酥脆 每一塊都有蟹柳 菠蘿同千島醬 餅皮係薄批 所以食落好脆口🍕 好鍾意佢嘅薄批 啲邊脆到好似食餅乾一樣😉
你有個大蝦頭飯桶朋友恰似其名 就係有兩大隻蝦頭放喺飯上面🦐 蝦肉幾彈牙 底下嘅飯入面加咗芝士同菇 口感非常rich同creamy🥰
記住，期望愈大，失望愈大…雞翼有三隻味可以選擇 我哋叫咗蜜糖芥末味🫢 雞翼好脆 而且單骨比較容易食用😎 配埋甜甜地嘅蜜糖芥末醬 味道一啲都唔失望👍🏻
茫茫人海遇見你嘅途中又夾雜住又酸又甜呢個甜品就係芒果雪葩😂 就好似佢個名咁 味道酸酸甜甜 即使食到晚餐嘅尾聲都唔會太膩食唔到🍧 我好鍾意佢一點點黃色嘅檸檬醬 食落口好清新
焦糖脆脆脆沙冰呢個沙冰嘅基底係咖啡味嘅 配埋焦糖味就啱啱好啦😺 夏天真係好想飲返杯凍嘅沙冰
豆腐豆腐豆腐咖啡係第一次嘗試豆腐雪糕配咖啡🙀 估唔到味道都幾夾 好有驚喜✌🏻 頂頭有球豆腐味嘅雪糕 而咖啡嘅底部又有少少豆腐 感覺幾新穎☕️
呢一餐真係食得好開心 食物質素一啲都唔麻麻地 係一間有gimmick啲嚟又好味嘅cafe🍭 佢嘅餸菜名好有特色 都需要估吓係咩嚟😂 好彩有啲圖片可以睇吓
張貼
