五武士 (已結業)

五武士係一間位於K11 musea嘅居酒屋，有海景正呀😜 池魚刺身都幾好食🤤 桂花蜜糖日本高糖蕃茄，顧名思義，佢嘅甜度係比一般番茄甜好多，都幾特別！日本季節野菜天婦羅炸得幾香脆，而且蔬菜好清甜，唔錯。北海道鮮活帆立貝好鮮味，又唔會煮得過熟，口感岩岩好，配埋幾款醬汁一齊食都唔會搶到個鮮味。西班牙Deraza 橡果黑毛豬肩肉唔會話好油膩而且肉味幾濃。鐵板魚苗高菜炒飯炒得好乾身，而且魚苗配埋高菜令到成個飯好香好惹味，少食澱粉嘅我都食咗一碗🤭 另外值得一提嘅係，佢哋啲Cocktail質素都唔錯，可以一試😏