壹食就醉

營業中

休息中

宜家約朋友食飯真係越嚟越難，大家唔係忙返工就係忙讀書，難得終於約到一日！朋友喺尖沙咀返工，所以好清楚呢頭有咩好西食，佢今日就帶我黎食呢間樓上私房菜，有小菜仲有打邊爐。呢度環境幾舒服同闊落，至岩食飽同朋友坐喺度傾計。黎食之前爬過文，見到好多人都會叫清酒卜卜蜆，comment都唔錯，再加上我同朋友都鍾意食海鮮，所以我哋都唔執輸嗌咗份。落左單冇幾耐就已經上菜，非常速度。之後等佢煮到差唔多時候，店員會黎落清酒，再等佢煮滾就食得啦！蜆肉好鮮甜，而且一啲沙都冇，平時食蜆最驚就係食到沙，唔怪得咁多人都推介呢度嘅卜卜蜆。我哋仲叫咗份黃金蝦，一食就食到蛋黃鹹香，非常惹味，再加上炸得外脆內爽，真係食到停唔到口。