吞POT 雞煲火鍋.住家菜 (山林道) (已結業)

好耐冇打邊爐同食雞煲，夏天都冇阻我食一啲熱辣辣嘅嘢！今日同朋友嚟尖沙咀一間火鍋店食晚飯。我哋都嗌左唔少嘢食。滋補螺片花膠雞煲（半隻）$208我哋嗌左依度嘅招牌菜——花膠雞煲。個煲一嚟到，即刻飲咗一啖湯，湯底清清地，係好滋潤嘅感覺。半隻雞對兩個人嚟講都好足夠。雞件隻隻都有肉，好滑，好新鮮。當然裏面都有好大件嘅花膠。花膠好有質感，厚厚地，可以補充骨膠原。最後，裏面仲有啲菇。西班牙頂級黑豚豬梅肉 $188豬梅肉幾大碟，擺盤好靚，豬肉嘅色澤都唔錯。豬梅肉唔韌，肉味濃，唔會有騷味。豬頸肉片 $85豬頸肉片厚切，食落爽口彈牙，都係一個唔錯嘅選擇。可樂 $18可樂好夠氣，打邊爐飲汽水簡直一流！醬料（每人$12 ）除咗豉油，仲會有八款配料可以添加。例如有炸蒜、生蒜、辣椒、蔥等等，選擇都夠多。