泰.夯蝦 (諾士佛臺) (已結業)

最近留意到諾士佛台呢邊開咗間曼谷正宗流水蝦，竟然唔洗去咁遠，市區就得食！即刻約埋老公一齊去試下！入場前有消毒液清潔雙手，仲有消毒蒸氣，噴一噴前後身，之後仲提供埋圍裙，令人感覺食得安心。流水蝦好新鮮生猛，真係扎扎跳，而且數量都好多，唔洗驚夾唔到。夾完之後將蝦放入冰筒冰暈佢地先，咁就唔怕啲蝦周圍彈。之後就可以剪鬚剪拑先燒，就唔怕大煙或者好快有燶味。流水蝦新鮮，肉質彈牙，啖啖肉，好正👍🏻外面仲有其他海鮮拎，都係任食。餐前嘅泰式小食，酸酸辣辣，惹味開胃。仲有唔少熟食，可以食住先。其中泰式脆炸小食最吸引我。甜品有葡撻，心太軟，冬甩同雪糕球，雪糕球有好多味道揀，連我最鐘意嘅芋頭味同榴連味都有！燒烤肉類都有好多選擇！午餐肉、丸、腸、豬、牛、雞都應有盡有，雞翼仲有幾款唔同味道可以揀，啱哂鐘意食雞翼嘅我，另外佢嘅雞軟骨串都好正，忍唔住食完再食。飲品除咗汽水，梳打水，仲有花茶，涼茶！每人都有活鮑魚同和牛送返。店員會幫手將鮑魚起肉，鮑魚肉質彈牙，好鮮味。和牛牛味香濃，油脂甘香。海鮮好新鮮，食物選擇多。店員服務亦好好，總括而言，性價比好高，會再嚟！