Layback Cafe & Bar (已結業)

喺尖沙咀除咗食連鎖店之外，好似都幾難搵到小店可以食，朋友話呢間小店嘅嘢食做得唔錯，而且仲係良心小店，咁一定要支持下，睇吓啲嘢食係咪真係好食先。呢度嘅裝修都幾有格調，同埋超鍾意餐廳嘅插畫，畫得好靚！我哋叫咗兩個主食，軟殼蟹意粉都做得唔錯，意粉質感幾好，唔會太硬。軟殼蟹炸得好脆！但係又唔會太油膩，幾啱女仔食。份量都好適中，唔會唔夠飽。仲有炸魚薯條，見到超大夠啊，仲有兩大舊魚，薯條都幾有誠意，唔係普通茶餐廳嗰啲雷電薯條，好味。小食我哋仲叫咗牛柳粒，好香牛肉味，食得出啲牛肉係有質素嘅牛肉，唔係啲好平價嘅牛肉。杯嘢飲相嘅時候我哋都爭住影相，因為好靚呀整得，同埋欣賞佢哋係用紙飲筒，夠晒環保。