影片
更多
2024-01-27
23 瀏覽
前排有朋友去呢間食鐵板燒，大讚呢間餐廳除咗可以望到維港夜景，食物同服務嘅質素都非常唔錯；咁岩我又好掛住日本同台灣嘅鐵板燒，就轉登book咗呢間餐廳試下。餐廳地理位置方便，環境非常舒服，當日坐嘅位置係吧檯位，可以近距離望到廚師烹調。🍴海賀ニ人套餐🥗 無花果蟹肉沙律沙律嘅配料非常豐富，除咗有爽脆嘅蔬菜，仲有清甜嘅無花果同充滿鮮味嘅蟹肉，再配埋酸味嘅沙律醋，愈食愈開胃。🐟三文魚籽伴海雲醋三文魚籽粒粒晶瑩剔透，食落完全無腥味，充滿鮮味，而海雲爽口滑溜，醋汁酸得黎又好開胃。🍲磯煮飽魚鮑魚肉質鮮嫩，煮得好入味，可以食到鮮甜香濃嘅日式醬油同昆布味；鮑魚下面仲有一件大根，燜得好腍同入味。食鮑魚個陣，可以點餐廳自家制嘅醬汁，據侍應介紹個醬係用鮑魚熬成。🥘鵝肝鵝肝上檯個陣，已經可以聞到好香嘅味；鵝肝表層煎到帶脆口感，內裡帶幼滑質感，入口即溶。如果覺得太油膩，可以夾埋麵包或者配埋黑蒜汁一齊食。🦐 大蝦大蝦肉質結實彈牙，仲可以保持到juicy；第一啖食個陣可以唔點蟹膏醬一齊食，先試下蝦嘅原味，會食到濃郁嘅蝦味。🥩 A4宮崎牛宮崎牛口感肉質彈牙鮮嫩，口感多汁且豐富，入口後食到啖啖油脂香，配埋蒜片同黑松露醬一齊食
🍴海賀ニ人套餐
🥗 無花果蟹肉沙律
沙律嘅配料非常豐富，除咗有爽脆嘅蔬菜，仲有清甜嘅無花果同充滿鮮味嘅蟹肉，再配埋酸味嘅沙律醋，愈食愈開胃。
🐟三文魚籽伴海雲醋
三文魚籽粒粒晶瑩剔透，食落完全無腥味，充滿鮮味，而海雲爽口滑溜，醋汁酸得黎又好開胃。
🍲磯煮飽魚
鮑魚肉質鮮嫩，煮得好入味，可以食到鮮甜香濃嘅日式醬油同昆布味；鮑魚下面仲有一件大根，燜得好腍同入味。食鮑魚個陣，可以點餐廳自家制嘅醬汁，據侍應介紹個醬係用鮑魚熬成。
🥘鵝肝
鵝肝上檯個陣，已經可以聞到好香嘅味；鵝肝表層煎到帶脆口感，內裡帶幼滑質感，入口即溶。如果覺得太油膩，可以夾埋麵包或者配埋黑蒜汁一齊食。
🦐 大蝦
大蝦肉質結實彈牙，仲可以保持到juicy；第一啖食個陣可以唔點蟹膏醬一齊食，先試下蝦嘅原味，會食到濃郁嘅蝦味。
🥩 A4宮崎牛
宮崎牛口感肉質彈牙鮮嫩，口感多汁且豐富，入口後食到啖啖油脂香，配埋蒜片同黑松露醬一齊食，味道同口感更加豐富。
🍚 黑松露和牛&櫻花蝦炒飯 配漬物&味噌湯
和牛同櫻花蝦兩樣都好吸引，所以同朋友各叫一款；炒飯軟硬乾濕適中，米飯粒粒分明，和牛炒飯嘅黑松露味香濃，每一啖都食到牛肉粒；櫻花蝦炒飯嘅味道雖然比和牛炒飯淡，但櫻花蝦香氣十足，食落口充滿鹹香海味。
🍴甜品
🫘 南瓜紅豆糖水（熱）
紅豆糖水甜度適中，每粒紅豆都好大粒，口感鬆軟，好岩冬天個陣食。
🍮 焙茶奶凍
焙茶奶凍口感軟滑，表面嘅焙茶果凍香濃而不甜膩，底下Q彈嘅奶凍入口即融，味道豐富。
🥤飲品
🍸 The “HK
呢杯cocktail嘅基酒係清酒，清酒氣味清爽純淨，香氣馥郁；第一次飲sake cocktail，估唔到用黎整cocktail都幾好飲。
🍹Honey Moon
呢杯飲品由石榴、菠蘿汁同蜜糖調制而成，因為係用水果鮮榨而成，所以比較杰身，味道充滿果香，估唔到呢三樣野加埋係咁夾。
張貼
