牛匠石燒 (已結業)

最近天寒地凍，見到個個都去周圍食燒烤，忍唔到口試下去牛匠石燒，減肥呢啲嘢都係留返夏天先做啦～肉類：安格斯牛小排 🐄 & 雞頸肉 🐓牛肉非常新鮮，半肥瘦又夠油脂，食落好有牛味，雞頸肉係有驚喜，燒完肉質好滑好嫩，直頭似雞髀肉。個石板都好夠熱，唔會食食下冇火～燒物：鹽燒完條魷魚🦑 & 明太子玉子燒🍳魷魚都夠大條，爽口彈牙又入味。玉子燒其實有六件，都燒得得好滑身，同明太子醬絕配！主食：🍲湯烏冬 、味素飯、麵豉湯 🍚本身驚食唔飽嗌多左飯同烏冬，烏冬係讚岐烏冬，飯撈埋個溫泉蛋真係一流，可惜個烏冬唔知係咪落手重左啲，湯底咸左少少。飲品：🍇彩虹水果茶🍊&草莓乳酸🍓冇諗過兩杯飲品都咁大杯，新鮮嘅水果茶正好解一解肉類嘅油膩！店舖開喺尖沙咀嘅中心處非常方便，而且肉類質素都很高，仲有好多和牛choice，服務態度不錯，食左$600幾蚊計返落價錢都合理既 。