影片
更多
2024-09-27
766 瀏覽
難得齊人，可以圍埋食餐飯過中秋，感恩！選了尖沙咀的凱悅軒，皆因大家都是常客，對呢度既出品充滿信心。睇餐牌，今期有一欄可持續發展的海鮮菜式，都係選用海鮮管理委員會認証既海鮮食材，好似幾吸引，那就瞄準佢作目標。柯打完一大堆菜式，按慣例涼菜先到，涼拌雞樅菌皇帝蟹法邊豆。各款食材恭整地排好，吃前將所有材料撈勻，微微的汁醬大家都可以接受到，蟹肉鮮甜肉厚，感覺好清爽，是個很稱職的開胃菜。米通脆炸魚肉丸子做到似荔枝咁，都有好些地方有類似做法，呢度勝在咬落脆而不硬，說是用上龍柳的魚肉丸子，當然也有混入蝦膠去帶出彈牙口感，配上酸酸甜甜的汁醬，又是一道醒胃的菜式。接著來的崧子波士頓龍蝦炒鮮奶，上桌時好有氣勢。說穿了，這就是名貴版本的大良炒鮮奶。大廚的功夫無庸置疑，鮮奶絕對炒得嫩滑，混入粒粒彈牙的龍蝦肉，連埋崧子及脆盞同吃，口感比起傳統的大良炒鮮奶豐富得多了。做節點都要有湯水，不如來個菜膽蟹肉雲吞雞? 湯頭濃甜到一個點，肯定真材實料。雲吞皮薄，除了豬肉，還加入了蟹肉做餡，就連素翅也煨得非常入味，又是將傳統的砂鍋雲吞雞提升至另一層次。個人幾中意食炒肉鬆，貪佢幾香口，呢個炒肉鬆仲要混入埋帶子、蓮藕粒、欖菜等，口
難得齊人，可以圍埋食餐飯過中秋，感恩！選了尖沙咀的凱悅軒，皆因大家都是常客，對呢度既出品充滿信心。
睇餐牌，今期有一欄可持續發展的海鮮菜式，都係選用海鮮管理委員會認証既海鮮食材，好似幾吸引，那就瞄準佢作目標。
柯打完一大堆菜式，按慣例涼菜先到，涼拌雞樅菌皇帝蟹法邊豆。各款食材恭整地排好，吃前將所有材料撈勻，微微的汁醬大家都可以接受到，蟹肉鮮甜肉厚，感覺好清爽，是個很稱職的開胃菜。
米通脆炸魚肉丸子做到似荔枝咁，都有好些地方有類似做法，呢度勝在咬落脆而不硬，說是用上龍柳的魚肉丸子，當然也有混入蝦膠去帶出彈牙口感，配上酸酸甜甜的汁醬，又是一道醒胃的菜式。
接著來的崧子波士頓龍蝦炒鮮奶，上桌時好有氣勢。說穿了，這就是名貴版本的大良炒鮮奶。大廚的功夫無庸置疑，鮮奶絕對炒得嫩滑，混入粒粒彈牙的龍蝦肉，連埋崧子及脆盞同吃，口感比起傳統的大良炒鮮奶豐富得多了。
做節點都要有湯水，不如來個菜膽蟹肉雲吞雞? 湯頭濃甜到一個點，肯定真材實料。雲吞皮薄，除了豬肉，還加入了蟹肉做餡，就連素翅也煨得非常入味，又是將傳統的砂鍋雲吞雞提升至另一層次。
個人幾中意食炒肉鬆，貪佢幾香口，呢個炒肉鬆仲要混入埋帶子、蓮藕粒、欖菜等，口感自然更勝一籌。師傅大概知我喜歡吃香口嘢，將坊間常用的生菜包轉成了脆筒，而且個脆筒係真正脆卜卜，肯定更得我歡心。
簡簡單單炒個菜，平衝一下心理。
單尾的雪菜濃湯海皇煨麵，有蝦球、帶子及磨菇等材料，個人特別欣賞煨麵略帶糊口的質感，這才是真正的煨麵呀！
流沙脆盞是不可或缺的甜品，另外各人自選心水甜點，我的就是楊枝甘露，在熱到破晒紀錄的中秋吃一碗，透心涼~
張貼
