影片
更多
2021-11-24
86 瀏覽
海港城難得有幾間韓國餐廳 行左幾輪都唔知食乜好 見呢度唔需要排隊就即刻入去！呢度面朝海景 有卡位啱啱好可以望住對面嘅海 而我地兩個人都可以坐卡位 坐得都幾舒服～🍗奇太郎原味炸雞(跟鐵板芝士)💰198一上來可以見到一個仲冒煙嘅鐵板芝士 同埋一碟新鮮炸起嘅炸雞 真係熱辣辣 攞手拎起個陣都熱到放返低先🤣雞肉唔係傳統嘅韓式炸雞 冇裹好多炸粉或者麵包糠 所以冇一層分明嘅炸雞皮 而係層皮緊緊連住肉 令最外層嘅肉都係脆脆地硬硬地嘅口感 醃得比較鹹 會似kfc家鄉雞嘅味道 可以試下！而鐵板芝士份量都幾多下 口感係偏鹹嘅芝士 會偏膩 所以都係推薦唔跟芝士比較好！🥘醬油牛肉炒年糕💰138一堆大蔥蓋住下面嘅牛肉炒年糕 仲散發住熱氣！入面配料用左好多 包括有椰菜 洋蔥 胡蘿蔔 牛肉都有好多塊 不過似比較厚嘅肥牛 裹上醬油炒味道都可以 整體似上海炒年糕嘅味🤣相反最重要嘅主角年糕反而份量唔多 味道亦唔算入味 可能都係原味最穩陣🥑牛油果香蕉乳酪💰72雖然價錢對一杯野飲來講偏貴 但係用料真係毫不吝嗇！名就叫牛油果香蕉乳酪 其實係係用左兩種生果加上乳酪打成嘅奶昔 入口微酸 之後就係清甜嘅口感💦上面都放左兩細舊牛油果 下
🍗奇太郎原味炸雞(跟鐵板芝士)
💰198
一上來可以見到一個仲冒煙嘅鐵板芝士 同埋一碟新鮮炸起嘅炸雞 真係熱辣辣 攞手拎起個陣都熱到放返低先🤣
奇太郎原味炸雞(跟鐵板芝士)
$198
5 瀏覽
0 讚好
0 留言
雞肉唔係傳統嘅韓式炸雞 冇裹好多炸粉或者麵包糠 所以冇一層分明嘅炸雞皮 而係層皮緊緊連住肉 令最外層嘅肉都係脆脆地硬硬地嘅口感 醃得比較鹹 會似kfc家鄉雞嘅味道 可以試下！
而鐵板芝士份量都幾多下 口感係偏鹹嘅芝士 會偏膩 所以都係推薦唔跟芝士比較好！
🥘醬油牛肉炒年糕
💰138
一堆大蔥蓋住下面嘅牛肉炒年糕 仲散發住熱氣！入面配料用左好多 包括有椰菜 洋蔥 胡蘿蔔 牛肉都有好多塊 不過似比較厚嘅肥牛 裹上醬油炒味道都可以 整體似上海炒年糕嘅味🤣相反最重要嘅主角年糕反而份量唔多 味道亦唔算入味 可能都係原味最穩陣
醬油牛肉炒年糕
$138
2 瀏覽
0 讚好
0 留言
🥑牛油果香蕉乳酪
💰72
雖然價錢對一杯野飲來講偏貴 但係用料真係毫不吝嗇！名就叫牛油果香蕉乳酪 其實係係用左兩種生果加上乳酪打成嘅奶昔 入口微酸 之後就係清甜嘅口感💦上面都放左兩細舊牛油果 下面仲有D麥片脆 口感絲滑得來又爽脆 超豐富～
牛油果香蕉乳酪
$72
0 瀏覽
0 讚好
0 留言
整體來講呢度風景真係唔錯 菜式都算新派韓式fusion菜 見到之前有好多人試左海膽烏冬 不過食唔落咁多就冇嗌！仲有好多創新飲品 見到有焦糖蛋咖啡同好多口味嘅奶昔 例如奶醬多等等！鐘意創新嘅朋友可以試下嘅
📌 奇納百川 (尖沙咀)
尖沙咀廣東道3-27號海港城海運大廈3樓LCX34號舖
張貼
