影片
更多
2022-11-08
202 瀏覽
（辛苦晒大家要睇長文，我肯打咁大篇野純粹希望餐廳之後可以有改善，唔係純粹環境靚就得）我同朋友10月31 號去完，大家食完之後其實都有少少嬲😂本身想俾OK就算，但係我好希望呢間餐廳嘅負責人，可以用心聆聽一下"真係有俾錢食飯"既人既意見😇所以深思熟慮之下，決定要負評。我哋大概19:00 入座，基本上嗰陣時都冇乜人，只係坐咗兩、三張枱左右。侍應都好快就拎咗兜蝦條俾我哋食，蝦條其實冇咩評價，因為都唔算特別脆，我諗應該都放咗喺空氣中有啲時間，味道本身偏淡，不過我哋冇乜所謂啦，畢竟都係小食，就基本上都冇要求。一開始我同朋友分別叫左Sunrise同 Mojito , 我哋本身唔係特別飲得多酒，但至少叫做知道大概係咩味。Sunrise我唔評價因為唔係我飲，朋友只係表示唔好飲。而我嗰陣決定叫Mojito 嘅原因係因為最普遍，衰極應該有個譜🌝點知呢杯野係刷新咗我嘅味蕾紀錄😂好簡單一句，Mojito最主要就一定有Mint and Lime ,而我就只飲到酒精味+ soda味🌝 我唔知道Bartender係咪掛住玩手機（係呀我哋一直有留意你玩手機，見到我哋舉手想叫野食都扮睇唔到，唔同企喺你面前既侍應講🤣）而忘
我同朋友10月31 號去完，大家食完之後其實都有少少嬲😂本身想俾OK就算，但係我好希望呢間餐廳嘅負責人，可以用心聆聽一下"真係有俾錢食飯"既人既意見😇所以深思熟慮之下，決定要負評。
我哋大概19:00 入座，基本上嗰陣時都冇乜人，只係坐咗兩、三張枱左右。侍應都好快就拎咗兜蝦條俾我哋食，蝦條其實冇咩評價，因為都唔算特別脆，我諗應該都放咗喺空氣中有啲時間，味道本身偏淡，不過我哋冇乜所謂啦，畢竟都係小食，就基本上都冇要求。
一開始我同朋友分別叫左Sunrise同 Mojito , 我哋本身唔係特別飲得多酒，但至少叫做知道大概係咩味。Sunrise我唔評價因為唔係我飲，朋友只係表示唔好飲。而我嗰陣決定叫Mojito 嘅原因係因為最普遍，衰極應該有個譜🌝點知呢杯野係刷新咗我嘅味蕾紀錄😂好簡單一句，Mojito最主要就一定有Mint and Lime ,而我就只飲到酒精味+ soda味🌝 我唔知道Bartender係咪掛住玩手機（係呀我哋一直有留意你玩手機，見到我哋舉手想叫野食都扮睇唔到，唔同企喺你面前既侍應講🤣）而忘記了加片檸入去，我杯野只係得d草，冇檸都唔緊要，我連檸汁都feel唔到有😇
Sunrise
3 瀏覽
0 讚好
0 留言
Mojito
4 瀏覽
0 讚好
0 留言
Mojito 只有草的存在，而草既味都唔太出，所以似飲緊有alcohol既七喜咁？🤣唔知點形容
不過～我哋唔係志在飲，係志在食，我地見網上面都話呢間餐廳主要係食串燒，所以我哋就算杯嘢唔好飲，都懷住興奮嘅心情去迎接美食😎
我哋本身仲有個friend但未到，所以叫左少少野食，串燒既話分別有雞皮，雞軟骨，雞肝同黑豚腩肉
4 瀏覽
0 讚好
0 留言
呢一碟串燒，大概等咗我哋差唔多有半個鐘左右，等到我哋個friend都到咗了🤭其實已經好Q肚餓。睇到呢度，唔知你有冇留意到左邊嗰幾串嘢燒燶晒🥶（懷疑師傅新手），但係為咗充飢，照食！因為真係等得太耐了。黑豚腩肉算係整體比較好，至少食落較juicy但un左d，要咬多幾次先咬得爛。
我哋之後嗌左Cod fish ,照計鱈魚唔會特別硬，除非未解凍🤡
Cod fish fillet
3 瀏覽
0 讚好
0 留言
跟住第一眼，真係兩舊深啡色既野，係chicken nuggets既非洲版，望落去已經覺得真係好硬。好啦，跟住我哋切開睇吓，可能好食呢～
Cod Fish Fillet
2 瀏覽
0 讚好
0 留言
用橫切面應該睇到魚同出面舊厚粉分佈🤣粉大過魚，重點係太硬了…唔好話有魚味，只係食到有魚既質感。
串燒total叫左三盤，以上呢幅圖就係第二盤，呢款係串燒set當中嘅海鮮組合，有帶子，蠔肉，鱔，同虎蝦。至於上面嗰啲係我哋單叫嘅嘢食，雞軟骨同雞肉棒。講真呢個set不過不失，因為我都諗唔到有啲咩評語，冇乜特別，食落去又冇特別嘅鮮味，我諗應該都係雪藏？如果係新鮮嘅話，可能真係要審視一下，供應商水準真係麻麻哋。
第三盤叫咗秋葵同埋雞脾肉，秋葵冇鼻涕，純粹乾既秋葵，反而個雞髀肉，我自己覺得都真係幾好食，食落去真係有肉汁同埋個醬幾夾個雞，係呢一餐最滿意嘅食物，可惜係我冇影到相🤡所以只可以聽我描述。
食到呢度，其實大家都已經冇咩癮，但係原來沒有最差，只有更差。我哋真係好肚餓，所以決定叫多兩個Main , 一個係野菌黑松露飯，另一個係杜洛克豬梅肉蒜香欖油意粉。
野菌黑松露飯
7 瀏覽
0 讚好
0 留言
請原諒我肚餓到手震🤣因為等佢哋上菜真係要預起碼20分鐘以上嘅時間。呢個野菌黑松露飯，講真煮得唔入味，黑松露味唔突出，可能落得太少黑松露，白飯冇咩咬感，所以感覺上似食白汁蘑菇飯多啲。
到重頭戲，杜洛克豬梅肉蒜香欖油意粉，呢個係我自己揀嘅，揀完之後我好對唔住我啲朋友😂😂我同我啲朋友真係食到笑咗出嚟，唔係因為太好食，係因為覺得自己好似食緊住家飯😂😂
首先，我好想quote番openrice好評啲呢碟菜式嘅意見：
“豬梅肉切粒，一口一粒,肉質爽彈，肉味濃👍🏻意粉充滿蒜香同油香，非常惹味”
“好好吃的主食😋從遠處已散發出蒜香的魅力🕶吃下時軟硬適中的意粉更充滿著香草&橄欖的香味道🫒配上滿滿蒜香的豬梅肉🍗肉質既鮮嫩多汁又鬆軟🤩來到不吃真的會對不住自己的..所以是必須吃的👍🏻”
我一向寫食評都係有嗰句寫嗰句，評價食物，唔會加太多感情色彩，但從以上嘅意見都睇到大家對呢碟意粉都有好高評價
我先俾大家，睇吓我影嘅相
6 瀏覽
0 讚好
0 留言
驟眼睇落去同嗰啲加咗filter嘅相，賣相真係冇咩分別，來，我哋起筷了，發現佢真係有加蒜片，但係真係食唔出有蒜味，意粉太乾，基本上係冇汁可言，上面嘅意粉基本上係擺落水煲完嘅意粉，然後擺晒所有材料喺同一碟嘢上面，冇調味嘅味道。
至於個舊杜洛克豬梅肉，上網search係來自西班牙，我唔知舊肉，係咪真係made in Spain,但係舊肉咬落去嘅感覺，我同朋友都覺得好似阿媽煲完湯之後倒出嚟嘅瘦肉😂我已經諗唔到咩形容詞形容佢，因為我淨係諗到呢個情景😂😂唔好話有肉味，係咬落去覺得似咬緊一舊硬既瘦肉，起絲嗰d。我唔知呢個口感係咪西班牙豬肉既特色，但只可以話我哋真係唔識欣賞呢舊肉。
呢個冇調味嘅瘦肉意粉食到一半，我哋真係滴晒汗💩又俾相大家睇吓
9 瀏覽
0 讚好
0 留言
真係搞唔掂，食到一半先知道原來係湯意粉😂咩料，我同我啲朋友都真係表示非常失望，因為已經俾晒機會了。
Lost In Kyoto
5 瀏覽
0 讚好
0 留言
Snowball, White Russian
3 瀏覽
0 讚好
0 留言
最後嗌多三杯嘢飲（Lost In Kyoto,Snowball,White Russian) ,純粹俾吓面，因為我哋都坐左喺度差唔多有四個鐘，但係有三份一時間都係等嘢食🤣發覺呢度調嘅酒唔太正宗，飲落已經feel到酒精落得比較重/多，鍾意飲重酒精嘅應該會喜歡，但我哋唔喜歡。
最後埋單連八折主菜優惠，total食咗$1470
除返開大概每人$500左右，講真，一啲都唔值。
唔覺唔覺寫左2千幾百字，如果有機會嘅話，希望餐廳有緣份睇到呢篇食評，可以自己內部檢討吓點樣提升食物質素。完全不能理解點解OpenRice有咁多好評。我同朋友都表示非常之失望，唔會再有下一次。
月好味：🌝
月方便：🌝🌝🌝🌝（近尖東地鐵站）
月舒適：🌝🌝🌝
月抵食：🌝
月推薦：🌝
張貼
