影片
更多
2020-05-31
890 瀏覽
想食韓國野就睇下附近有咩韓國餐廳，見呢間四四正正就揀左佢，如果時間可以倒流，我希望我從來都無遇見呢間餐廳...兩個人，一人叫左牛肉拌飯，一人叫左炸醬麵，兩個都係商務套餐，有啲小菜咁。照計兩個都係穩陣野，點知間餐廳可以整到咁唔穩陣。先講牛肉拌飯，一上嚟，嘩，你整完容嚟呀，同張圖好唔同。據我朋友形容，好似碟頭飯一樣，多汁甜牛肉放在白飯上，伴以寥寥可數嘅紅蘿蔔同生菜，話係拌飯都有啲侮辱個拌字，因為無咩好拌。至於炸醬麵，睇落就靚靚仔仔嘅，但食落就知真章。我都總算喺韓國食過幾餐炸醬麵，每間餐廳都總有啲唔同，但食落會知係炸醬麵。但呢碗炸醬麵食第一啖就覺得唔對路，咁樣係炸醬麵的味道嗎？我點解會有一絲西式意粉嘅感覺。泡菜無醃到我地覺得係攞錯左只醃左一陣嘅泡菜比我地，你睇，仲白色嘅。泡菜蒜頭我地第一次食，有種奇妙嘅味道，奇妙到我嘅表情令我朋友好想試下係幾咁奇妙。大豆芽呢碟係最超乎水準（相比其他嚟講），但有啲會過鹹，懷疑係因為啲鹽撈得唔勻。個湯得我朋友有，佢話係凍嘅，味道正常，係啲豬肉好難食，我見佢飲左一啖就擺埋一邊。佢有一個角落有得比人自己拎泡菜，由我地一坐低去到食到中尾段都係吉嘅，然後終於等到佢地re
兩個人，一人叫左牛肉拌飯，一人叫左炸醬麵，兩個都係商務套餐，有啲小菜咁。照計兩個都係穩陣野，點知間餐廳可以整到咁唔穩陣。
先講牛肉拌飯，一上嚟，嘩，你整完容嚟呀，同張圖好唔同。據我朋友形容，好似碟頭飯一樣，多汁甜牛肉放在白飯上，伴以寥寥可數嘅紅蘿蔔同生菜，話係拌飯都有啲侮辱個拌字，因為無咩好拌。
至於炸醬麵，睇落就靚靚仔仔嘅，但食落就知真章。我都總算喺韓國食過幾餐炸醬麵，每間餐廳都總有啲唔同，但食落會知係炸醬麵。但呢碗炸醬麵食第一啖就覺得唔對路，咁樣係炸醬麵的味道嗎？我點解會有一絲西式意粉嘅感覺。
泡菜無醃到我地覺得係攞錯左只醃左一陣嘅泡菜比我地，你睇，仲白色嘅。
泡菜蒜頭我地第一次食，有種奇妙嘅味道，奇妙到我嘅表情令我朋友好想試下係幾咁奇妙。
大豆芽呢碟係最超乎水準（相比其他嚟講），但有啲會過鹹，懷疑係因為啲鹽撈得唔勻。
個湯得我朋友有，佢話係凍嘅，味道正常，係啲豬肉好難食，我見佢飲左一啖就擺埋一邊。
佢有一個角落有得比人自己拎泡菜，由我地一坐低去到食到中尾段都係吉嘅，然後終於等到佢地refill，大家都好急不及待出去拎，好快又清空左。試左個泡菜同醃蘿蔔，泡菜依然係嗰隻泡菜，醃蘿蔔喺泡菜嘅襯托之下顯得好好食。
間餐廳實力平均，大部分食物都係維持同一水準，所以飯後橙令我地好失望，因為佢竟然係好食嘅甜，雖然我唔知我嗰瓣點解會無左一忽。
其實我地都懷疑係我地味蕾有問題，因為其他食客好似食得好開心，面帶笑容。究竟係只有呢兩個set特別，定係我地嗒唔出佢嘅好味道呢，我唔知。
To eat or not to eat, this is your question.
張貼
