影片
更多
2024-09-10
124 瀏覽
朋友介紹尖沙咀有間好有氣氛嘅韓國餐廳‘‘狎鷗亭居酒屋’’，冇諗過諾士佛臺樓有間隱世韓國菜。冇人介紹真係唔識揾到黎。仲有好多韓國人幫襯，連侍應都幾乎全部係韓國人，好有氣氛。朋友話逢星期日、一：全單8折，咁抵，就梗係要襯li個機會試下佢la😍一坐低就問要水定小麥茶，有得揀就梗係小麥茶la，我最愛嘅茶😍，依然係好香，好好飲😋⭐️前菜有6款：泡菜、菠菜、蘿蔔、芽菜、甜魚仔、豆皮⭐️生拌牛肉落左枱，韓國店員應該已經好習慣香港人嘅飲食文化，相機食先，比我影完相，先再幫我撈均d生牛肉、生雞蛋、梨絲，調味有少少辣，不過加埋梨本身嘅甜味，又好好食喎😋⭐️魚卵湯魚卵煮到8成啱啱好，好彈牙，仲配埋豆腐、白蘿蔔、芽菜、金菇、翠玉瓜，要讚一讚，湯嘅辣度可以因應客人口味而調節😋，啱曬又想試，但係又唔太食得辣嘅我😍⭐️醬油蟹飯比我影完相，店員就將蟹蓋嘅膏刮落個飯度，又幫我撈勻，之後仲裝返d飯落個蟹蓋度添，賣相100分，醬油蟹有膏，好正。d飯跟左生雞蛋、蟹籽、紫蘇葉、蔥，再撈埋d蟹膏，同淨食醬油蟹比，又係另一個感覺，好鮮味😋⭐️菠蘿酒一落枱就好震撼，冇諗過咁大盤，個樣又靚、又飲得、又食得，菠蘿本身好甜，酒味唔係好濃，想飲下酒，
朋友介紹尖沙咀有間好有氣氛嘅韓國餐廳‘‘狎鷗亭居酒屋’’，冇諗過諾士佛臺樓有間隱世韓國菜。冇人介紹真係唔識揾到黎。仲有好多韓國人幫襯，連侍應都幾乎全部係韓國人，好有氣氛。
朋友話逢星期日、一：全單8折，咁抵，就梗係要襯li個機會試下佢la😍
一坐低就問要水定小麥茶，有得揀就梗係小麥茶la，我最愛嘅茶😍，依然係好香，好好飲😋
⭐️前菜
有6款：泡菜、菠菜、蘿蔔、芽菜、甜魚仔、豆皮
⭐️生拌牛肉
落左枱，韓國店員應該已經好習慣香港人嘅飲食文化，相機食先，比我影完相，先再幫我撈均d生牛肉、生雞蛋、梨絲，調味有少少辣，不過加埋梨本身嘅甜味，又好好食喎😋
⭐️魚卵湯
魚卵煮到8成啱啱好，好彈牙，仲配埋豆腐、白蘿蔔、芽菜、金菇、翠玉瓜，要讚一讚，湯嘅辣度可以因應客人口味而調節😋，啱曬又想試，但係又唔太食得辣嘅我😍
⭐️醬油蟹飯
比我影完相，店員就將蟹蓋嘅膏刮落個飯度，又幫我撈勻，之後仲裝返d飯落個蟹蓋度添，賣相100分，醬油蟹有膏，好正。d飯跟左生雞蛋、蟹籽、紫蘇葉、蔥，再撈埋d蟹膏，同淨食醬油蟹比，又係另一個感覺，好鮮味😋
⭐️菠蘿酒
一落枱就好震撼，冇諗過咁大盤，個樣又靚、又飲得、又食得，菠蘿本身好甜，酒味唔係好濃，想飲下酒，又唔太飲得就好適合
li個韓國菜d份量大大份，兩個人黎食，都食到捧住個肚走，下次要多d人一齊黎先可以食多d野，誠意推介比鐘意食韓國菜，又對韓國菜有要求嘅你
張貼
