影片
更多
2023-05-04
19 瀏覽
🌃鬧市中嘅all-rounder居酒屋🍶-朋友介紹下嚟到呢間尖沙咀hidden gem 就喺K11隔離 氣氛輕鬆 仲可以睇到師傅燒嘢食😍 呢度嘅串燒用新鮮嘅材料加上少量簡單嘅調味 帶出食材本身嘅味道 feel到佢哋對食材嘅尊重👍🏻 店員都好nice 我哋當日都冇時間限制 可以慢慢食嘢傾計 真係好值得收藏❤️-🐔自家製免治雞肉棒 $58最推薦嘅係用cocktail杯裝住嘅免治雞肉棒 打卡靚之餘仲好食 同場見到幾乎每人一杯😳 比平時燒烤店食嘅份量大同軟骨多 見到師傅即場搓好個肉餅放上網燒 新鮮製作🫡-🐔鮮三黃雞全翼 $58店員話用嘅係本地三黃雞 每日限量 雞味好出 燒到外脆內嫩🤤-🍶辣酒煮蜆 $98平時喺居酒屋 清酒煮蜆就食得多 呢度嘅辣酒煮蜆就好驚艷🤩 湯底有香濃嘅味噌同唐辛子味 蜆冇沙而且脹卜卜 大推😭 湯入面仲有清甜嘅大根 食落應該係另外用清湯煮嘅 如果可以索埋味噌湯一定會更加正😌-🌽日本粟米天婦羅 $68粒粒粟米加粉漿做成天婦羅 幾特別😮 粟米本身已經好甜 師傅只係加少少椒鹽都夠曬味☺️ 份量比想像中多 適合多啲人分享🤝🏻-🍳蛋白玉子燒 $48全蛋白嘅玉子燒我係第一次食🫢 味道好清帶少
-
朋友介紹下嚟到呢間尖沙咀hidden gem 就喺K11隔離 氣氛輕鬆 仲可以睇到師傅燒嘢食😍 呢度嘅串燒用新鮮嘅材料加上少量簡單嘅調味 帶出食材本身嘅味道 feel到佢哋對食材嘅尊重👍🏻 店員都好nice 我哋當日都冇時間限制 可以慢慢食嘢傾計 真係好值得收藏❤️
-
🐔自家製免治雞肉棒 $58
最推薦嘅係用cocktail杯裝住嘅免治雞肉棒 打卡靚之餘仲好食 同場見到幾乎每人一杯😳 比平時燒烤店食嘅份量大同軟骨多 見到師傅即場搓好個肉餅放上網燒 新鮮製作🫡
-
🐔鮮三黃雞全翼 $58
店員話用嘅係本地三黃雞 每日限量 雞味好出 燒到外脆內嫩🤤
-
🍶辣酒煮蜆 $98
平時喺居酒屋 清酒煮蜆就食得多 呢度嘅辣酒煮蜆就好驚艷🤩 湯底有香濃嘅味噌同唐辛子味 蜆冇沙而且脹卜卜 大推😭 湯入面仲有清甜嘅大根 食落應該係另外用清湯煮嘅 如果可以索埋味噌湯一定會更加正😌
-
🌽日本粟米天婦羅 $68
粒粒粟米加粉漿做成天婦羅 幾特別😮 粟米本身已經好甜 師傅只係加少少椒鹽都夠曬味☺️ 份量比想像中多 適合多啲人分享🤝🏻
-
🍳蛋白玉子燒 $48
全蛋白嘅玉子燒我係第一次食🫢 味道好清帶少少蛋香 食落彈牙 加埋明太子醬嘅鹹香味好夾😇
-
🐟白鱔 $72
魚皮燒到crispy 咬落唔嚡 彈牙仲有魚油香
🐮牛舌心 $68
牛舌比較嫩嘅部份 厚切燒到medium程度配上少少黑椒
🐔雞肝 $42
綿滑而好重雞肝味 鍾意食內臟嘅必叫
🐔雞心串 $42
比起雞肝 雞心就冇咁重味 食落口感爽脆
🐮一口牛 $68
一食就知係安格斯牛 牛味濃郁而且好腍
🥢醬燒豆腐 $48
外脆內軟 咬開係滑嘟嘟嘅豆腐 要小心燙嘴🤣
🍙明太子燒飯糰 $48
飯糰有明太子 鰻魚 梅子三種口味 個人嚟講就最鍾意明太子經燒烤後嘅焦香味🫶🏻
-
喺餐廳食飯都可以叫隔離酒吧嘅cocktail🍹 我哋試咗店員推薦嘅Whiskey Sour同Porn Star 味道都幾好🥂 咁啱撞正節日餐廳仲請全場飲Margarita Shooter🥹 Hospitality滿分🍾
-
📍#aira
尖沙咀河內道3-4號世紀商業大廈4樓
張貼
