Bistro on the Mile

營業中

休息中

而家興staycation，住酒店包早晨自助餐。其實Holiday Inn呢一個酒店包嘅breakfast buffet呢已經食咗三次。今次總括講解，可惜我就冇特別去影啦。希望寫多少少資料畀啲而家抗疫想出嚟住酒店嘅朋友大概參考一下。中式早餐有幾份點心，都係好standard嘅例如有蘿蔔糕，機械式整嘅叉燒包，燒賣，粉絲菜餃。佢會有啲炒菜，菇，炸魚，鰻魚炒飯，中式炒麵,白粥,牛肉粥,油炸鬼香腸火腿煙肉。有一個專人嘅煎蛋巴，會隨你喜好去煎太陽蛋，奄列，荷包蛋。佢有即淥麵，會煮烏冬，雲吞，菜麵之類。會有西式嘅甜多士，pancake，蕃茄豆火腿，薯角，雞肉腸,yogurt，冷盤沙律。麵包同muffin,有水果, 奶咖啡同茶。係一個好standard你會expect酒店嘅自助餐，冇乜驚喜，唔係求其但你又唔會覺得佢特別興奮。中規中佢嘅港式酒店自助餐。個人覺得簡簡單單嘅奄列再加啲炸薯餅加個水個盤同toast再加一杯豆漿就已經係一個滿足嘅早餐。