尚鮮海鮮料理 (已結業)

最愛打邊爐，偏偏遇上呢個抗疫時刻，大家都少咗圍爐。餐廳應變得好快，即刻推出新菜單，俾客人有多個選擇。今晚就試吓 尚燒串燒• 酒魂•拼盤，有燒生蠔丶海蝦丶牛柳粒丶牛舌丶芝芯竹輪丶粟米，配沖繩生啤或日本清酒，如果唔嗜酒，可以轉洛神花蜂蜜茶或青檸梳打蜂蜜；每位客人都送一碗「潤肺健脾湯」，材料有排骨頭丶蓮子丶百合丶芡實丶蜜棗等… 加埋鮮野菌炒時菜，黑豚肉炒稻庭烏冬，就啱啱好喇～餐後仲有甜品一客知道近排少咗人出街打邊爐，所以店家仲介紹咗佢哋嘅外賣邊爐餐，餐單可以向社交平台睇到，有送貨或外賣自取，都幾方便喎！