臨記車仔麵 (已結業)

又係麵😂平時除咗中意食米線，第二選擇就係食車仔麵，通常都會揀河粉。—————————————————————呢間全部係快餐店形式，直接去收銀同店員講低食咩，然後拎住飛仔搵定位坐等叫號碼，同大xx啲連鎖店一樣，野食要自己去拎。👉🏻配餸：叫咗咖哩魷魚、脆味䐁爽肉，兩者都係每款$13。前者魷魚都切得幾大塊、食落都好爽口。後者係另上，份量比想像既多，炸得幾脆，食落質感似豬頸肉。$10既溏心蛋真係好正，真係做到溏心效果，吉開蛋黃流出黎個下真係好正🤤$8 試咗豬大腸，因為某人所以中意咗食，今日呢啲見到洗得都算乾淨。👉🏻麵底：叫咗河粉，份量都好多，河粉吸湯後食更好味。朋友叫咗米線，都算正常。👉🏻湯底：呢度+$1有三款湯揀，傳統湯係免費。咖哩湯幾濃味同少許結身，可以一試。另外，麻辣湯有大中小既程度選擇，今次試咗小辣，下次可以再level up 🤣👉🏻小食：呢度既小食都幾多款式，幾中意油炸鬼豬扒（$15），炸粉好薄，食落都脆口，好正。一客切開咗四份。瑞士花香雞翼（$19），總共有三隻，好少食雞翼會有花香味，幾特別。美味酸齋（$15），估唔到車仔麵舖都會有齋食😂真係夠曬開胃。👉🏻飲品：呢度加一杯豆漿只需$