陳家菜 @Freshlane (樂基商業中心) (已結業)

早幾日見凍凍地，搵到呢間屋企附近嘅外賣店，原來有幾個網上外賣平台都有同呢度合作，見近近地，我就選擇咗去自取。呢度有個取餐櫃位，平時打電話嚟order完，按返時間過嚟攞就得，好方便！古法羊腩煲～呢度所有食物都係即叫即熱，羊腩又淋又惹味，整得乾淨👍🏻返到屋企，媽咪已經攞定個煲出嚟😄，自己加啲支竹，煮完醬汁依然香濃，配飯好正！黑椒蜜汁雞翼～雞翼好juicy又入味，攞到返屋企都仲keep到個熱度，外脆內有汁，黑椒味唔算重，而且香香甜甜，小朋友都啱食。個餐配埋佢哋嘅自家製杭菊飲品，微甜又清香。仲有番薯薑糖水，好啱呢個天氣！