影片
更多
2022-02-12
687 瀏覽
前排即興去朋友屋企食飯，諗起佢就嚟生日，於是喺佢屋企樓下呢間麵包舖，買咗個現成嘅朱古力蛋糕。舖頭職員好好人，話說舖頭只接受現金，我當時身上唔夠cash, 啲職員好好咁幫我留住個蛋糕，仲教我去邊度撳錢，等我可以轉頭返嚟先俾錢，好多謝佢哋🙏🏻佢哋最後仲免費送埋個生日牌俾我，好窩心！講返個蛋糕：朱古力味好香濃，蛋糕上面有唔同款嘅朱古力，有硬有軟心，仲有朱古力餅同朱古力醬。朋友全家都係甜品控，所以佢哋個個都食得好開心🥳🥳🥳不過我就略嫌個蛋糕太甜，食完有啲滯同膩，建議可以多啲人分享。題外話，舖頭有好多麵包都幾吸引，略略望過個價錢，唔係話好貴，但係都唔算抵食，十零蚊一個麵包咁。不過我太匆忙冇買到，下次有機會再試
講返個蛋糕：朱古力味好香濃，蛋糕上面有唔同款嘅朱古力，有硬有軟心，仲有朱古力餅同朱古力醬。朋友全家都係甜品控，所以佢哋個個都食得好開心🥳🥳🥳不過我就略嫌個蛋糕太甜，食完有啲滯同膩，建議可以多啲人分享。
題外話，舖頭有好多麵包都幾吸引，略略望過個價錢，唔係話好貴，但係都唔算抵食，十零蚊一個麵包咁。不過我太匆忙冇買到，下次有機會再試
張貼
