影片
更多
2021-02-19
609 瀏覽
山林道又有新餐廳進駐。呢間新餐廳無論門面、牆身，抑或是地板，都係以阿妹最鍾意又搶眼既黃色為主調。餐廳環境闊落，空間感十足，都幾適合同朋友食個靚lunch，飲杯靚啡嘆下。▪️周打蜆湯配農夫包 $78超飽肚既一個湯大大個農夫包裝住周打蜆湯，最內層既麵包索滿湯汁，變得軟綿入味。周打蜆湯微稠，入口濃郁忌廉味。當中加有多款配料，有蜆肉、蘿蔔、西芹、火腿等等。▪️洋蔥湯 $68洋蔥煲得非常軟腍，清甜唔俗。▪️軟殼蟹海鮮意大利飯 $128非常足料既海鮮意大利飯，幾乎啖啖都有海鮮，有爽彈魷魚、蝦、青口、細細粒既帶子等等。軟殼蟹炸得香脆唔油膩，咬落真係卡卡聲，不過食落就有小小油益味。意大利飯黏稠順滑，米粒帶咬口，熟而不軟爛。每顆飯粒都裹滿濃濃忌廉汁！▪️脆皮烤腩肉配薯蓉及青蘋果 $168餐廳招牌菜 擺盤都幾有心思，不過食落同預期有小小落差。腩肉外皮烤得好脆身，但偏厚偏硬左啲。腩肉帶焦香，肉質稍微有啲韌。旁邊有多款蔬菜，意式青瓜、小椰菜、蘿蔔、蘆筍等等。爽口既青蘋果能夠中和左腩肉既油膩感。底下既薯蓉帶奶香，更有薯仔顆粒增添口感。▪️抹茶拿鐵 $40Latte入口順滑，帶點稠度，茶味突岀。奶同茶既比例啱啱好，茶香唔會
餐廳環境闊落，空間感十足，都幾適合同朋友食個靚lunch，飲杯靚啡嘆下。
▪️周打蜆湯配農夫包 $78
超飽肚既一個湯
大大個農夫包裝住周打蜆湯，最內層既麵包索滿湯汁，變得軟綿入味。周打蜆湯微稠，入口濃郁忌廉味。當中加有多款配料，有蜆肉、蘿蔔、西芹、火腿等等。
▪️洋蔥湯 $68
洋蔥煲得非常軟腍，清甜唔俗。
▪️軟殼蟹海鮮意大利飯 $128
非常足料既海鮮意大利飯，幾乎啖啖都有海鮮，有爽彈魷魚、蝦、青口、細細粒既帶子等等。軟殼蟹炸得香脆唔油膩，咬落真係卡卡聲，不過食落就有小小油益味。意大利飯黏稠順滑，米粒帶咬口，熟而不軟爛。每顆飯粒都裹滿濃濃忌廉汁！
▪️脆皮烤腩肉配薯蓉及青蘋果 $168
餐廳招牌菜 擺盤都幾有心思，不過食落同預期有小小落差。腩肉外皮烤得好脆身，但偏厚偏硬左啲。腩肉帶焦香，肉質稍微有啲韌。旁邊有多款蔬菜，意式青瓜、小椰菜、蘿蔔、蘆筍等等。爽口既青蘋果能夠中和左腩肉既油膩感。底下既薯蓉帶奶香，更有薯仔顆粒增添口感。
▪️抹茶拿鐵 $40
Latte入口順滑，帶點稠度，茶味突岀。奶同茶既比例啱啱好，茶香唔會被奶味蓋過。整杯甜度低，唔太甜膩，幾啱我口味。
▪️雜莓乳酪 $56
乳酪濃稠順滑，入口淡淡莓香，甜度啱啱好。張貼
