LIFETASTIC (已結業)

初四請左假陪阿女同姨甥女，阿女話好想食西瓜蛋糕，想去香港大學站呢間食埋意粉，由屋企去香港大學要一個半鐘先去到。點了兩款午餐：博多明太子忌廉蟹肉扁意大利麵配三文魚籽～～好多配料（蟹肉、蘑菇、三文魚籽又大粒）；意大利麵煮得剛剛好，唔會太淋；忌廉汁調味得好好，唔會太膩。沙律份量唔算多，蔬菜好新鮮，但沙律汁偏酸。加$28 叫左杯香蕉朱古力奶昔，朱古力味偏濃，但有淡淡既香蕉味，都幾好飲！最後，草莓西瓜蛋糕真係要必食，我唔係好鍾意食蛋糕嘅人，推介左比好多朋友，全部都好鍾意食。整個蛋糕嘅配合，草莓配西瓜味道非常好，個cream好好味唔會膩，蛋糕帶有燕麥，食落好清新，另外仲有花香味！溫泉蛋卡邦尼意大利麵～～蘑菇好多肉比較少，而個汁加埋溫泉蛋配合得十分好，感覺唔會太膩。小朋友好鍾意食！餐湯都一般，無乜特別。另外，叫左杯雜莓三重奏，呢杯飲品就麻麻哋，莓味唔夠，亦偏淡。呢間餐廳對我來講雖然好遠，但每次同亞女黎食，佢都食得好開心，今次帶埋姨生女嚟，佢都食得津津有味。另外，我係會員，今餐仲有8折！