影片
更多
2014-09-07
7305 瀏覽
為左答謝朋友的幫忙,決定和他食餐豐富的,我就推介了日航酒店.跟著到了麼地道後望來望去都唔見日航酒店.最後出動了手機地圖都不行.正當大家都想放棄既時候,我決定網上SEARCH一下,才知道7月1日已經改了為千禧新世界香港酒店.管理層相信都與新世界集團有關.酒店中最有名氣既嵯峨野 Sagano就係今次既目的地.去過日本既都應該聽過嵯峨野觀光線呢一段.其景觀十分美麗,你一定會愛上.(我剛剛GOOGLE MAP過當去左)午市套餐由$250左右至$560不等,$560的那款係小型懷石料理,都幾抵食.但係我一心想食一大堆剌身,所以都係簡$350既剌身定食.場內裝潢極具和風,難怪好多日本人光顧.前菜只是一些甜甜的菜,但都隱約食出食材既香味.另外亦有沙律,配上柚子醋汁,清酸開胃,口感爽脆,海帶亦係日本菜既常客.其實一個套餐起馬都要有此等份量既菜類先豐富,雖知道現代人不太愛食蔬菜,特別出街食飯更加不健康.食完後等10分鐘,一整套食物就完整奉上.剌身,燒魚,蒸蛋,漬物,麵豉湯和白飯,陣容鼎盛.剌身拼盤上已經有9款,由於事先說明不要三文魚,所以可以品嚐到多一款其他的,因為三文魚太普通.赤身味道濃郁無比,軟身而
酒店中最有名氣既嵯峨野 Sagano就係今次既目的地.去過日本既都應該聽過嵯峨野觀光線呢一段.其景觀十分美麗,你一定會愛上.(我剛剛GOOGLE MAP過當去左)午市套餐由$250左右至$560不等,$560的那款係小型懷石料理,都幾抵食.但係我一心想食一大堆剌身,所以都係簡$350既剌身定食.
場內裝潢極具和風,難怪好多日本人光顧.
前菜只是一些甜甜的菜,但都隱約食出食材既香味.另外亦有沙律,配上柚子醋汁,清酸開胃,口感爽脆,海帶亦係日本菜既常客.其實一個套餐起馬都要有此等份量既菜類先豐富,雖知道現代人不太愛食蔬菜,特別出街食飯更加不健康.
食完後等10分鐘,一整套食物就完整奉上.剌身,燒魚,蒸蛋,漬物,麵豉湯和白飯,陣容鼎盛.剌身拼盤上已經有9款,由於事先說明不要三文魚,所以可以品嚐到多一款其他的,因為三文魚太普通.
赤身味道濃郁無比,軟身而無渣,肉味出眾.在高級日本料理或酒店日本餐廳,一定要食赤身才行,始終坊間好多赤身都係擦子膠.油甘,帶子,蝦,金目鯛,墨魚,八爪魚樣樣都係水準以上,右上方的類似鯛魚就味道十分淡.不過以一碗珍珠米飯,以多款剌身伴食,已經好滿足
蒸蛋嫩滑,蛋味濃烈,無出現過水狀既情況.另外燒魚味道亦係極佳,甜甜帶焦糖化既醬汁,肉質實而帶滑,魚味雖不算好濃,但係醬汁把整體味道提升.
朋友以一隻蝦天婦羅交換部份食物,我當然願意,因為隻蝦超大隻,脆漿極薄,蝦肉爽口,暖暖胃不錯.轉眼間已經把食物食清光.
沒有跟餐飲,所以最後叫杯$88 SNOW SUMMER作餐飲,基調與MOJITO相同,但呢個更薄荷和略為苦甘
甜品就有糕點和雪芭選擇,當然要食柚子雪芭,感覺無咁大負擔,加上凍冰冰,好爽快,味道不太甜,柚子味幾濃.食光所有食物,感受下和風既環境和氣氛,節省了幾千蚊機票錢,品嚐不錯既剌身.所以呢餐係幾抵食
張貼
