16 Shell (已結業)

住港島區既朋友有口福了。有情調又夠氣氛，最岩情侶拍拖。位置唔難搵，地鐵站行過去五至十分鐘。揸車泊位唔難搵位，100米內有兩個停車場。首先講講餐廳環境係燈光適中，寧靜，同朋友傾下計就最好。野食方面，前菜叫左個黑炭黑蒜蓉包。賣相係有少少特別，但味道食落就同普通蒜蓉包差不多，只係普通黑色既蒜蓉包。主菜方面，香煎橄欖油大蒜無骨雞肉意粉，通常意粉多數都係有小小淡。但依個雞肉意粉將大蒜撈起。成個意粉油而不膩唔錯。白酒煮蜆配上蒜蓉香椒牛油汁，十分特別，酒味都都幾重～而重點推介既係酥皮黑松露Pizza，第一次試酥皮既pizza 感覺都好有驚喜，黑松露味濃配撘埋酥皮亦唔會覺得好膩，值得推介。