雲石小姐 (已搬遷) 新店位置

雲石小姐一向喺IG幾有名氣，成日都見到好多人打卡，今次終於食到！除左雲石蛋糕，見佢個珍奶流心蛋糕都好吸晴，就試下佢🤪最開心係佢d size有迷你款揀，就算得兩三個人都買到黎食～先講蛋糕外表，透明盒加絲帶綁住，睇個樣都好靚🥰包裝好有誠意抵讚珍珠份量都夠，口味偏軟身，蛋糕上面既奶茶醬超濃茶味！加埋d珍珠真係同出面飲既珍奶無分別🤗本來覺得舖面既珍珠同奶茶加埋個海綿蛋糕已經夠好味，點知驚喜在後頭！一切開個蛋糕，裡面既奶茶已經噴哂出黎，而成個蛋糕仲即刻崩塌落黎，蛋糕每個部分隨即比內外既奶茶包圍！成個畫面都好震撼🤩一句講哂，樣靚打卡一流，流心效果震撼，味道香濃！支持🤘🏻