B.Two House (已結業)

今晚陪朋友去官塘成業工業大廈睇旅行喼，邊睇邊聞到陣陣香味，買好旅行喼就自自然然去咗B two House開餐！店仔細細，但食物都幾多選擇！晚餐我朋友叫咗個鳗魚珍珠飯，原條鰻魚上，大件抵食前菜有個蔬菜沙律，簡簡單單，好健康晚餐還配個豆腐味噌湯，個湯真材實料，不是用粉開的我就叫咗個墨西哥芝士辣烤雞飯卷，少少辣，好惹味！餐湯配一個是日西式濃湯，忌廉湯，湯內有薯仔粒，肉粒，啖啖有𡁻口！沙律係海草蔬菜沙律，沙律菜好新鮮餐飲，一杯熱，一杯凍嘅柚子紅茶，有助消化最後仲有甜品，係朱古力蛋糕，濃濃的朱古力味，又不太甜，正下次有機會要一定試下店內出名的Bagel