影片
更多
2016-07-17
1145 瀏覽
觀塘工廈近年越來越熱鬧，餐廳越開越多，食家有福。難得週末，三五知己決定離開大型商場走出工廈試下新嘢。由觀塘地鐵站步行5分鐘左右就到駱駝漆, 駱駝漆1-6樓有好多美容同食材批發零售，係觀塘其中一幢比較受歡迎而且人流頗高嘅工廈，所以䌓忙時間記得預返3-5分鐘左右等電梯。Bold Italic位於駱駝漆三樓，門口望入店內已經有女同事好友善幫我哋開門同帶位。Lunch Set價錢$75 up, 主菜配餐湯，麵包條，沙律同飲品，以環境同主菜款式選擇嚟講價錢都幾合理。一行三人, 叫咗一個Pama Ham沙律combo, 一個蕃茄沙律combo同一個照燒雞扒combo。餐湯麵包條同沙律好快到, 餐湯係忌廉磨菇湯，配麵包條幾好食，但略嫌唔夠熱，沙律不過不失。我嗰份係蜜糖芥末Pama Ham沙律 Combo($78)， 餐飲係另外加錢嘅Green Tea Latte。講真以色相計，個沙律真係幾靚，可以相機食先。另外味道方面芥末醬同Pama Ham好夾, 菜同水果都夠新鮮。友人個蕃茄沙律配黑醋汁都大份夾新鮮，雞扒幾香口，如果薯菜有炸薯條更開心。Green Tea Latte甜度同奶味啱啱好。上樓前掃過Op
由觀塘地鐵站步行5分鐘左右就到駱駝漆, 駱駝漆1-6樓有好多美容同食材批發零售，係觀塘其中一幢比較受歡迎而且人流頗高嘅工廈，所以䌓忙時間記得預返3-5分鐘左右等電梯。
Bold Italic位於駱駝漆三樓，門口望入店內已經有女同事好友善幫我哋開門同帶位。Lunch Set價錢$75 up, 主菜配餐湯，麵包條，沙律同飲品，以環境同主菜款式選擇嚟講價錢都幾合理。
一行三人, 叫咗一個Pama Ham沙律combo, 一個蕃茄沙律combo同一個照燒雞扒combo。
餐湯麵包條同沙律好快到, 餐湯係忌廉磨菇湯，配麵包條幾好食，但略嫌唔夠熱，沙律不過不失。
我嗰份係蜜糖芥末Pama Ham沙律 Combo($78)， 餐飲係另外加錢嘅Green Tea Latte。講真以色相計，個沙律真係幾靚，可以相機食先。另外味道方面芥末醬同Pama Ham好夾, 菜同水果都夠新鮮。
友人個蕃茄沙律配黑醋汁都大份夾新鮮，雞扒幾香口，如果薯菜有炸薯條更開心。Green Tea Latte甜度同奶味啱啱好。
上樓前掃過Open Rice啲食評, 話老闆有林德信feel，所以都有10%係為咗見佢而嚟哈哈。老闆好後生，枱枱都行去問意見，幾有心。
講返間餐廳，中途食完都冇俾人趕，最後三個人坐喺餐廳傾足三個半鐘哈哈。完lunch period之前啲員工仲好nice咁問咗我哋兩次駛咪加單，同埋仲keep住加檸檬水，呢下抵讚。
總結，放假嚟講，呢個消費呢個環境，加埋林德信，其實都幾有機會再Encore嘅。
張貼
