Pati by Lassana (已結業)

唔係荔枝角區工作既我，對呢區既食肆比較陌生。同大家一樣，諗唔到食咩，就open rice下吧😂搜尋荔枝角區，pati by lassana係第2選擇。開住google map，唔細心搵好難搵到，細細個紅色門口，入面竟然有大大個food court ！而我今日既目標就位於food court 中間位置。行一圈，已經比眼前既食物吸引住。（注意：需到收銀處先買票之後再去counter拎食物）食物選擇十分多，我揀左一人自選午餐，$63一款主菜、一款配菜、一款沙律及飲品。呢個黑色既芝士西班牙火腿包好味！👍🏻我鐘意呢種有口感既包！加上芝士既配搭，令到西班牙火腿既咸剛剛好中和！推介！配菜揀左忌廉西蘭花，忌廉入口不膩，不俗。沙律揀左凱薩沙律，正常。個人鐘意食菜，所以成盤綠色😂再加伯爵茶清清味蕾。不過如果午市時間黎食難搵位，我呢日見大約2:30後人潮開始散去，想入去搵食既朋友要注意了。