影片
更多
2016-01-30
355 瀏覽
放了兩星期病假，著實令人有點鬱悶，老公見我心情煩躁，提議兩口子一起外出逛逛。記得早前曾看過友人食評，推介位於荔枝角 VeryFood Court 內主打沙律和西餐的《Pati》，據說店子是本地餐飲業集團 Lassana Limited 旗下的一個品牌。其實筆者之前亦曾到訪過同集團的姊妹店 Spade by Lassana 同 The Pudding Nouveau，所以對店舖的食物水準，亦略知一二，加上見友人力讚其自選午餐，價錢經濟實惠，十分超值，所以趁週末天氣放晴，就一於去試試看，順道辦點年貨。其實荔枝角對我來說，一點也不陌生，想起當年在這區打滾，與廠商周旋的日子，驀然回首，其中有苦亦有樂，當然有喜亦有悲。噢！扯得太遠了，還是說回正題。先細閱 Lunch Menu，原來《Pati》的午市套餐共有 6 款選擇，頭 3 款即 A-C 屬意粉類別，而愛瘦身的女士就可以揀 D，即任選 2 款沙律套餐。單人匹馬到訪的話，當然建議揀 E，因為個一人自選午餐，一客就已經包括有 1 款主菜、1 款配菜和 1 款沙律。本來我地兩口子，揀 F 二人自選午餐就最抵，不過由於老公想試吓店舖的意粉套餐，所以決
放了兩星期病假，著實令人有點鬱悶，老公見我心情煩躁，提議兩口子一起外出逛逛。記得早前曾看過友人食評，推介位於荔枝角 VeryFood Court 內主打沙律和西餐的《Pati》，據說店子是本地餐飲業集團 Lassana Limited 旗下的一個品牌。其實筆者之前亦曾到訪過同集團的姊妹店 Spade by Lassana 同 The Pudding Nouveau，所以對店舖的食物水準，亦略知一二，加上見友人力讚其自選午餐，價錢經濟實惠，十分超值，所以趁週末天氣放晴，就一於去試試看，順道辦點年貨。
其實荔枝角對我來說，一點也不陌生，想起當年在這區打滾，與廠商周旋的日子，驀然回首，其中有苦亦有樂，當然有喜亦有悲。噢！扯得太遠了，還是說回正題。
先細閱 Lunch Menu，原來《Pati》的午市套餐共有 6 款選擇，頭 3 款即 A-C 屬意粉類別，而愛瘦身的女士就可以揀 D，即任選 2 款沙律套餐。單人匹馬到訪的話，當然建議揀 E，因為個一人自選午餐，一客就已經包括有 1 款主菜、1 款配菜和 1 款沙律。本來我地兩口子，揀 F 二人自選午餐就最抵，不過由於老公想試吓店舖的意粉套餐，所以決定只揀一客一人自選午餐。飲品方面，問店員是否要另外加錢散叫，原來店裡所有的套餐都會附送熱美式咖啡或茶一杯，咁又真係幾經濟抵食喎！
走近 counter 看看是日主菜有甚麼選擇，可能是店舖剛開始營業的關係，所以款式唔算好多，只得牛角包、墨汁包、百吉包、炸蟹餅、燒春雞同 BBQ 汁燒排骨 6 款。
至於配菜方面，選擇亦唔算多，只有煙肉焗薯、芝士焗西蘭花同鮮炒雜菌 3 款。
反而沙律方面，選擇較為豐富，分別有通粉沙律、華都夫沙律、地中海沙律、凱撒沙律和煙鴨胸蜜桃沙律。
交由老公發辦，點了炸蟹餅，芝士焗西蘭花同煙鴨胸蜜桃沙律 ($63)。通常一般的炸蟹餅，咬下總是滿口忌廉汁和雜菜，蟹肉只得一成；不過這個圓形的炸蟹餅，賣相看似普通，原來內涵絕不簡單，入口充滿蟹肉的鮮甜味，水準之佳著實教人驚喜。
至於芝士焗西蘭花，西蘭花翠綠爽口，味道樸實，只是稍嫌沾上的芝士，「芝」味過濃，有點膩口。而老公就對旁邊的煙鴨胸蜜桃沙律讚不絕口，說鴨胸不但分量夠多，而且食落外皮亦非常香口，肉質既嫩滑又有肉汁，另外配吃的沙律菜，鮮爽之餘亦能點綴味道，夠曬清新開胃，加上甜美可口的蜜桃塊和爆汁的車厘茄，是個不俗的配搭，絕對能喚醒味蕾。
意粉餐方面，是日選擇就包括有卡邦尼意粉、蕃茄汁雞肉意粉和我倆點選的忌廉汁黑松露雜菌意粉 ($46) 三款。其實近年不少餐廳廚師都喜歡以黑松露入饌，不過估唔到現在連 food court 都可以品嘗到。先吃麵條，由於意粉加入了黑松露醬來調味，所以令菌味更見突出，入口不但香氣四溢，而且叉起意粉時，條條都掛滿濃稠的醬汁，質感不會過腍兼且帶有咬口，味道既濃郁又 creamy，配上惹味的雜菌，味道匹配。
跟餐飲品點了熱蜜桃茶和凍咖啡 (+$3)，前者蜜桃茶原來只是以茶包沖泡，入口蜜桃味略淡，當然說不上十分出色；反而老公點的凍咖啡，雖未至於細滑醇厚，但味道香濃，水準都唔錯。吃完午飯，是時候出發去辦年貨了。
張貼
