Non Kitchen

營業中

休息中

又係朋友帶路食好嘢。觀塘其實真係唔少工廈美食，但自問唔識路去搵，今次就靠朋友，食到高質美食。餐廳裝修貫徹工廈feel，簡單但raw，擺設夠特色，最正係極度寬敞，枱與枱之間直情可以擺多張枱。毫無侷促感之下，食得份外開壞，同朋友撐枱腳，一餐飯就食左3個鐘，我地慢食之餘要讚餐廳，套餐會依序逐part上，我地慢慢食，佢地就慢慢上，食物唔會攤凍之餘，我地仲可以慢慢真正享受一頓fine dining。食物之高質，在於擺盤及味道，每樣食物都做到睇得、食得。(所以其實部份用餐時間，係用左嚟打卡影相😅)主菜點左個「菠菜芝士意大利餛飩配黑松露忌廉汁」 ($128) 另加 $108轉set，有埋沙律、餐湯、甜品、飲品。甜品我地又再加$38，轉做心太軟。其實跟餐仲有麵包，麵包可以點香草醬食，第一道食物已經令食慾大增。🔸️凱撒沙律夠新鮮，沙律菜入口係爽脆鮮甜🔸️餐湯係甘筍湯， creamy，入口滑溜🔸️主菜意大利餛飩……真係好好食! 菠菜味同松露味都好濃郁，但係又唔會互相搶味，而係交融，每一啖入口都係享受。Tortellini份量都好多，大細適中，軟腍度啱啱好，做到索汁同時掛汁，所以每一啖都充滿菠菜及松露嘅香濃馥郁。