影片
更多
2023-03-16
61 瀏覽
近期返學返到好攰好頹，想搵個可以坐得耐嘅地方同朋友傾吓計，咁啱俾我搵到呢間旺角/油麻地樓上cafeCafe叫「5%」係因為希望客人會每日用至少5%時間同朋友見面Menu選擇夠多，主要食西餐例如意粉、漢堡包，另外仲有多款飲品同甜品可以同friend一邊玩board games(餐廳有80款board game提供♟️)一邊食，當係放學／收工輕鬆吓嘅節目😌▶️ 香脆龍脷柳配牛肝菌汁長通粉 ($118)絕對係佢哋「主打菜」，見個個黎親食呢個都讚，等我試吓係咪咁真先正常條魚都係炸嘅，不過因為自己近排喉嚨痛，即管問吓佢可唔可以轉「香煎」，點知廚房肯幫我做🫶🏻仲話已經盡量煎得好，希望我enjoy，好感動🥹上枱條龍利柳好巨型🐠長度啱啱橫跨成隻碟，賣相好靚仔香煎龍利柳啖啖肉，肉質唔鬆散，雖然應該係雪藏嘅，但完全冇雪藏味，反而有鮮魚味煎得唔油膩又保持到好juicy🤤用香草調味配上魚柳自身鹹鹹地嘅味，絕對夠味唔會太清淡另外仲俾咗個酸酸地好似他他醬咁嘅沙律醬，可以點魚柳食，味道相當夾旁邊有啲沙律菜同蕃茄🥗底部就係牛肝菌汁長通粉配冬菇牛肝菌汁好食👍🏻同carbonara／黑松露醬唔同，味道上有陣好似牛油又好似芝士
Cafe叫「5%」係因為希望客人會每日用至少5%時間同朋友見面
Menu選擇夠多，主要食西餐例如意粉、漢堡包，另外仲有多款飲品同甜品
可以同friend一邊玩board games(餐廳有80款board game提供♟️)一邊食，當係放學／收工輕鬆吓嘅節目😌
▶️ 香脆龍脷柳配牛肝菌汁長通粉 ($118)
絕對係佢哋「主打菜」，見個個黎親食呢個都讚，等我試吓係咪咁真先
正常條魚都係炸嘅，不過因為自己近排喉嚨痛，即管問吓佢可唔可以轉「香煎」，點知廚房肯幫我做🫶🏻仲話已經盡量煎得好，希望我enjoy，好感動🥹
香脆龍脷柳配牛肝菌汁長通粉
$118
15 瀏覽
0 讚好
0 留言
上枱條龍利柳好巨型🐠長度啱啱橫跨成隻碟，賣相好靚仔
香煎龍利柳啖啖肉，肉質唔鬆散，雖然應該係雪藏嘅，但完全冇雪藏味，反而有鮮魚味
煎得唔油膩又保持到好juicy🤤用香草調味配上魚柳自身鹹鹹地嘅味，絕對夠味唔會太清淡
另外仲俾咗個酸酸地好似他他醬咁嘅沙律醬，可以點魚柳食，味道相當夾
旁邊有啲沙律菜同蕃茄🥗
底部就係牛肝菌汁長通粉配冬菇
牛肝菌汁好食👍🏻同carbonara／黑松露醬唔同，味道上有陣好似牛油又好似芝士咁嘅淡香味🧀，好獨特！
醬汁份量夠覆蓋所有意粉，稀杰度到啱啱好，仲非常creamyyy!
意粉整到al dente，長通粉嘅特質係中間啲窿可以「裝」住好多醬汁，做到一咬就爆汁嘅效果😋(食到成口cream haha)，蘑菇令口感層次豐富啲🍄
▶️ 蒜香蜆肉意粉 ($98)
呢個套餐冇嘅，要單點
意粉幾多，上面放咗唔少有殼嘅蜆肉，不過賣相比較簡單
蒜香蜆肉意粉
$98
17 瀏覽
0 讚好
0 留言
蜆肉應該都係雪藏，但同樣冇雪味而有海鮮味，肉質彈牙唔老
意粉有嚼口🍝鍾意佢比起外面一般嘅蒜香意粉冇落得咁重橄欖油 (唔會食到成口油，感覺健康啲)，同時夠鹹味👍🏻
不過朋友希望佢個蒜味可以更香濃，我個人就好鍾意呢個意粉
▶️ 雪梨桂花茶 (+$18)
跟餐可以免費叫$38嘅飲品，特飲就補差價
唔想飲凍飲可以飲呢個花茶系列🌸
每個都有唔同功效，我呢個係清熱潤肺、利咽解毒，啱晒我🙈
成件事好有儀式感，侍應會先點着蠟燭🕯️，然後放壺茶上去慢慢興熱佢
壺茶比想像中大，可以兩個人飲
入邊放咗唔少桂花茶葉、菊花等，食落好清香，帶微微天然果甜味 (但係又好似唔係雪梨味😂)
我同朋友傾足咁耐，壼茶就暖足咁耐🍵
雪梨桂花茶
14 瀏覽
0 讚好
0 留言
▶️ 凍茘枝綠茶 ($40)
朋友另叫嘅飲品，因為佢冇跟餐飲品
-
食物質素唔錯😙兩款意粉都好食，鍾意牛肝菌汁同香煎龍脷柳，同時都鍾意蒜香意粉嘅味道
環境超舒服，啲凳喺梳化🛋️感覺好似喺屋企咁，坐到唔想走(我哋坐咗三粒鐘，直到佢哋收舖) 😂
舖頭比想像中大同闊落，每個位置都好有私人空間，燈光營造到個氣氛好chill，仲有大玻璃可以望到街景，旺中帶靜🌃
服務好好，超欣賞廚房肯接受客人嘅特別要求🙇🏻♀️服務員都好有禮貌、有少許幽默感
呢度有鐘仔叫人，好放便又唔驚舉手冇人應，餐廳仲設有免費Wifi
CP值以晚餐來計算幾抵食，份量足又好食😌最緊要係成個用餐體驗良好，坐得耐都唔會吹你走，除非要收舖～
(不過要留意有最低消費，6pm前$60；6pm後$90)
如果有group project/莊事務/ 一班人開party/ 想玩board game，絕對可以考慮呢間Cafe (咁啱今日後面有班人喺度策劃緊婚禮)，真係好舒服唔係講笑！
張貼
