幸福班戟 (K11 Musea) (已結業)

同個friend好耐冇見約咗去尖沙咀meet up，本身諗住搵間cafe慢慢坐，食個輕盈d嘅下午茶，但又搵唔到間好想食嘅cafe。朋友建議去食甜品，我哋就即刻諗起班戟。上次食咗gram覺得麻麻，覺得個pancake唔夠soft好實。我地決定轉戰新開嘅K11 musea入面嘅幸福班戟，試下呢間過江龍水準。去之前都預咗要排隊，一去到大概有十幾人排緊，我諗等咗半個鐘左右就入得。我哋叫咗兩個口味share嚟食。一個係朱古力香蕉味，另一個係宇治抹茶味。由於佢嘅班戟係即叫即整嘅，所以我哋order完大概等咗15分鐘先有得食。個班戟一上嘅時候已經聞到好香嘅蛋味。抹茶味同我本身幻想嘅有少少出入，我以為個班戟都係抹茶味，但原來只得topping個雪糕係抹茶味。朱古力香蕉班戟香蕉新鮮，熟度剛剛好。食個pancake嘅時候記得將啲朱古力醬同cream夾埋一齊食，味道會豐富啲抹茶班戟本人超鍾意食抹茶味嘅甜品。呢個抹茶味雪糕好好食！完全唔會有個種抹茶嘅苦澀味。食嗰陣記得落埋個黑糖sauce食，每一啖班戟加埋抹茶味嘅雪糕加d cream 同nuts，好幸福呀！❤️班戟口感好soft好綿，抵你咁多人排隊嘅！