垚

營業中

休息中

之前都叫過呢間，今次encore咗嗰海幸魚生丼，經Foodpanda叫要$205。 嗰魚生飯有送沙律同味增湯。 沙律冇咩特別，但係就落座麻醬。我個人鐘意柚子醋多啲，希望下次有得自己落或者自己揀。 味增湯有啲啲鹹，足料，有海帶同豆卜。不過小弟唔鐘意飲湯，所以淨係試咗一兩啖。 海幸魚生丼（$205）一共有一片玉子、四條蟹柳、四粒帶子、三文魚子同埋象拔蚌。 嗰飯底有做過調味，甜甜酸酸咁，幾特別。左上角紅色嘅應該係啲醃製品，但係就好濃味，甚至會蓋過咗魚生嘅鮮味同豉油嘅鹹味，食完要飲水清一清條脷，算係一個小小嘅扣分位。 玉子煎得啱啱好。一方面唔會死甜，另一方面仲有少少流心嘅感覺。蛋味好出，食落去唔算太油膩。 蟹柳係仿蟹柳。雖然係咁，但係都有海水嘅鮮味，仿蟹柳嚟講，算係高級嘅一種。 帶子有四粒。每一粒都好厚，唔會有對半切嘅情況。帶子鮮甜，好Fresh，而且都算大粒。 象拔蚌嘅份量唔算少。象拔蚌脆身，食落爽口得嚟會有啲啲彈牙。同帶子一樣，都好新鮮下。 全餐飯都好好味，而且份量適中；唯獨係有少少太濃味，所以食完要飲多啲水啦。