春庭越調

營業中

休息中

平時都唔想打食評，但唔想有人中伏。因為女友人在附近商鋪做facial ,所以揀左呢間餐廳食飯。裝修同環境都ok, 但服務員嘅態度帶左口罩都感覺非常惡劣。事情大概如下，我叫了一個正常份量的牛河，我朋友叫了一個輕盈版的牛河，上菜時個服務員話呢個係招牌牛河，咁我簡單問佢一句，呢個大定細，佢話都話係招牌牛河，我再問係咪正常份量個個，佢先答係。首先，我唔係做你間餐廳，你答我大或正常份量，就解決到我問題，同我唔係冇禮貌問你，你唔洗咁嘅樣。另外，我係唔要青葱，想要莞茜，佢話另上俾我。如果你地係混好左，係可以同我講，其實你另上左俾我，我都係食唔到。我離開餐廳後同左我朋友講，因為佢講國語，佢話以為淨係對國內遊客差，冇諗過對本地都咁差。食完仲要超級口渇，我一定唔會再幫襯。可能茶餐廳態度中好過呢間餐廳。