鮨之

營業中

休息中

好耐無去朗豪坊，原先打算食food court，路過見到開咗間新店諗住試吓食，見舖入面有大量卡位，諗住可以坐得舒服一點，價錢算中上，都無咩所謂。見到帶位員正在接待幾位客人入座，咁我就乖乖站在Q頭等候入內。轉頭該職員出返嚟，見到我與另一位男士同在等候，職員問邊位嚟先？其實有眼睇都知我係企Q頭第一位，唔知我係咪寸親佢，佢啲態度真係好差，問有無訂檯，我真係無諗過喺朗豪坊4樓，food court隔離嘅一間日式食肆食lunch要訂位，正如去一風堂嗰啲都係咁walk in啦，或者我真係鄉下仔出城。入到去時見到起碼有5-6張卡位係吉嘅，但職員以無訂檯為由，要坐bar檯，聲稱啲檯全部有人訂咗，只係啲客未到。其實無訂位要坐bar檯，點解唔喺店外時講？帶晒我哋入去先講？係咪玩嘢？大家心知。原來貴店係咁高尚嘅，租返個高樓層啲嘅舖位啦。我真係當咗係街邊茶餐廳咋。