影片
更多
2009-11-22
49 瀏覽
22-11-2009是日 dinner 得返我同阿媽兩個人, 阿媽話唔想食太飽, 結果帶了佢嚟呢度食米線. 之前 lunch hour 嚟過一次 (http://www.openrice.com/restaurant/commentdetail.htm?commentid=1899250) 係好旺場, 星期日的 7:xx pm 竟然大把位 主食係 (無湯) 香酥肉拌餌絲: 熱食的餌絲賣相十足泰式金邊粉, 食落就似年糕般煙韌黏口, 配上芝麻, 酸菜, 腐皮, 芽菜 etc, 及幾 heavy 的醬汁 (味道有點似麻醬, 唔知乜來?), 幾好食, 但十分膩 @_@ 香酥肉就得啖笑, 凍凍的又粉多過乜, 肉就又乾又硬, 可以不理.阿媽食牛肉米線:「牛肉」係牛腩, 帶少少辣味及酸酸哋, 肉質尚算鬆化; 又試了點湯底, 少少酸, 唔辣, 幾開胃; 米線就夠滑口, 份量頗多, 食晒成碗應該都幾飽的.阿媽未食過雲南菜, 又唔食得辣, 不過佢好鍾意食芝士, 我估羊乳扇應該會啱佢口味, 就叫碟酥炸的 share 試試: 原來勁大碟, 完全唔係「小食」的份量 炸到脆卜卜的羊乳扇灑上了大量砂糖,
是日 dinner 得返我同阿媽兩個人, 阿媽話唔想食太飽, 結果帶了佢嚟呢度食米線. 之前 lunch hour 嚟過一次 (http://www.openrice.com/restaurant/commentdetail.htm?commentid=1899250) 係好旺場, 星期日的 7:xx pm 竟然大把位
主食係 (無湯) 香酥肉拌餌絲: 熱食的餌絲賣相十足泰式金邊粉, 食落就似年糕般煙韌黏口, 配上芝麻, 酸菜, 腐皮, 芽菜 etc, 及幾 heavy 的醬汁 (味道有點似麻醬, 唔知乜來?), 幾好食, 但十分膩 @_@ 香酥肉就得啖笑, 凍凍的又粉多過乜, 肉就又乾又硬, 可以不理.
阿媽食牛肉米線:「牛肉」係牛腩, 帶少少辣味及酸酸哋, 肉質尚算鬆化; 又試了點湯底, 少少酸, 唔辣, 幾開胃; 米線就夠滑口, 份量頗多, 食晒成碗應該都幾飽的.
阿媽未食過雲南菜, 又唔食得辣, 不過佢好鍾意食芝士, 我估羊乳扇應該會啱佢口味, 就叫碟酥炸的 share 試試: 原來勁大碟, 完全唔係「小食」的份量 炸到脆卜卜的羊乳扇灑上了大量砂糖, 大家笑說「乜咁似蛋散?」 食落帶點煙韌, 少少鹹, 帶羊奶的羶香, 配上砂糖一齊食又鹹又甜, 又真係幾次蛋散, 不過係芝士味的, 哈哈. 阿媽食後反應係「呢碟嘢好過癮!」, 希望佢喜歡吧.
埋單每人約 $50, 離開時係飽到呆咗 O_O, 不得不打消到樓上食甜品的念頭.
張貼
