傳點心意 (已結業)

呢間點心店我之前同男朋友係土瓜灣食過，因為男朋友鐘意食紫薯，佢地有個紫薯流心飽就吸引左我地入去，收銀個姐姐好好，會介紹食物，同話比我地知，佢地會不定時轉換點心推介，佢地既點心係佢地既師傅鑽研出黎既，聽到未食就覺得誠意十足啦！當時個姐姐話比我地知佢地會係元朗開分店，有日行話西菁街終於見到喇，由於佢地收得比較夜，所以我收工番到元朗都仲有得食，就試下元朗既味道係咪同土瓜灣既一樣先，入到去睇一睇餐單，都係有幾種新既推介我地就叫左個新既蝦醬豬頸肉飯，佢地既飯係用蒸蘢加荷葉蒸，好香，但可能我之前食過佢地既金蒜海蝦飯，就有比下去既感覺喇，兩個飯海蝦果個因為有蒜蓉，配荷葉既香味，所以個金蒜海蝦係超級香既，反而蝦醬豬頸肉，可能因為蝦醬既味唔太濃，香味就差少少喇，但兩個飯食落都係好好味既，可能我鐘意食蒜蓉，所以我比較欣賞金蒜海蝦去點心店點可以唔食點心呢，連土瓜灣果間我食過幾次，紫薯流心包，紫薯流心煎堆都推介，唔會太甜，流心效果一流，亦有淡淡既紫薯味，又唔會太濃，鐘意食黑松露既亦都可以試下黑松露野菌餃，黑松露既味道加上野菌既鮮味，真係不得了，另外佢地仲有盅頭湯，都會不時換口味架講番今晚我試左佢地新出既桂花糕