臺北棧 (荷李活道) (已結業)

餐廳不算很大，但坐位夠寬敞，完全不會擠逼。裝修以藍白為主，帶點酒吧風格，環境舒適。2點半前餐廳會提供午市餐牌，而2點半後則提供晚市餐牌。我和朋友點了招牌牛肉麵、豬軟骨鯊魚骨豆乳湯麵、招牌鹽酥雞、椒鹽花枝丸、伯爵茶凍QQ芋圓、咖啡奶茶加珍珠。招牌牛肉麵的湯底由五十斤牛骨熬成，香味非常濃。刀削麵很有咬口，每食一啖麵配一口湯，非常滋味，一碗麵有3大片厚厚的牛展，牛肉炆得非常入味，牛筋均勻分布在整片牛肉上，好正！餐廳仲有一秘密武器就係特製辣牛油供客人加入麵裏同食。辣牛油只是非常輕微的辣，我不食辣都能接受到，牛油味很香濃。朋友叫了豬軟骨鯊魚骨豆乳湯寬粉絲，粉絲較刀削麵淋身，但比刀削麵吸味。豬軟骨都非常出色，連住不少根位。一碟鹽酥雞有3大舊，不過同平時出面食嘅有啲唔同，佢係類似雞肉丸咁。椒鹽花枝丸都唔錯，彈牙有咬口。伯爵茶凍QQ芋圓很香奶茶味，芋圓超級煙韌，珍珠亦好咬口。一碗裹有很多伯爵茶凍，一放入口有淡淡清新茶味，值得推介。