影片
更多
2024-06-19
497 瀏覽
今日上晝做完嘢出到嚟旺角搵嘢食，想食啲經濟實惠啲嘅嘢，就比我喺女人街搵到佢。聽其他街坊講呢度除咗焗薯，雜扒都係出名嘅，不過我一心想食薯仔就叫咗雞肉沙律焗薯。除咗焗薯之外仲可以跟一份小食，我就揀咗炸魚柳，多啲肉，好似抵食啲，哈哈。佢仲有另外送一杯熱飲。我諗佢都係即叫即做，店入面都係得一個員工所以都要等一陣先有得食。個焗薯上到嚟有少少同我預想唔一樣，因為佢話雞肉沙律，我就以為係雞絲加菜啦，點知係沙律醬雞粒！呢樣係有驚喜嘅，因為我係食肉獸所以食得好開心，不過真係想食菜嘅話可能要留意吓啦。雞肉嘅份量都幾多，可以每一啖薯仔都配到雞肉食，所以我都無額外落胡椒鹽。薯仔個軟硬程度啱啱好，唔怕太淋都唔會硬到一塊塊食唔到。炸魚柳就普通嘢，勝在都好大塊吓，同埋有跟埋千島醬比你點嚟食，唔怕太DRY。咁樣一個餐五十蚊唔洗，如果掛住西方嘢食唔想食飯嘅人又有一個平價午餐選擇啦～
聽其他街坊講呢度除咗焗薯，雜扒都係出名嘅，不過我一心想食薯仔就叫咗雞肉沙律焗薯。
除咗焗薯之外仲可以跟一份小食，我就揀咗炸魚柳，多啲肉，好似抵食啲，哈哈。
佢仲有另外送一杯熱飲。
我諗佢都係即叫即做，店入面都係得一個員工所以都要等一陣先有得食。
個焗薯上到嚟有少少同我預想唔一樣，因為佢話雞肉沙律，我就以為係雞絲加菜啦，點知係沙律醬雞粒！
呢樣係有驚喜嘅，因為我係食肉獸所以食得好開心，不過真係想食菜嘅話可能要留意吓啦。
雞肉嘅份量都幾多，可以每一啖薯仔都配到雞肉食，所以我都無額外落胡椒鹽。
薯仔個軟硬程度啱啱好，唔怕太淋都唔會硬到一塊塊食唔到。
炸魚柳就普通嘢，勝在都好大塊吓，同埋有跟埋千島醬比你點嚟食，唔怕太DRY。
咁樣一個餐五十蚊唔洗，如果掛住西方嘢食唔想食飯嘅人又有一個平價午餐選擇啦～
雞肉沙律焗薯配炸魚柳
17 瀏覽
0 讚好
0 留言
張貼
