101台式休閒餐廳 (尚德商場) (已結業)

每次去尚德買完送，餓餓地都會幫襯101台式休閒餐廳，中意呢度唔洗排好耐隊先有位，上菜速度快，價錢同食物質素都合理。《台灣古早番茄牛肉麵 $57》番茄湯底熱辣辣，飲得過癮，番茄味和紅燒牛肉味湯底清爽，香味濃郁，帶有少許酸酸甜甜的味道。白蘿蔔大件鮮甜，牛肉燜得好入味好腍，而且麵條份量非常足夠，口感彈牙。《豬軟骨肉燥飯 $53》豬軟骨同樣燜得軟腍入味，軟骨部份更可以輕輕咬開，骨膠原感頗重；肉質軟熟但唔會煮得過份散爛，醬汁濃郁，送飯一流。