巧手製作

營業中

休息中

Day off在家中既一日，想飲茶嫌一個人有d悶，最後揀左買外賣係屋企煲劇。想食得清清地，就叫左兩碗粥。有皮蛋瘦肉粥同粟米蕃薯粥。一咸一甜。兩樣都煮得好綿，粥底有落腐竹特別香甜。 甜粥有兩大舊蕃薯而咸粥有兩三舊皮蛋。都好足料。煲到咁上下就食個腸粉，一個係叉燒腸一個係蝦腸，都有豉油跟好細心。食得出係新鮮整既，同料都唔差。 最後就有兩個包以防肚餓，結果變左第二日既早餐，分別係叉燒包同馬拉糕。叉燒包既叉燒條超多，又唔多肥膏，色澤自然。 馬拉糕都係新鮮食好d, 甜甜既好易入口。其實佢個凍飽優惠好抵，十二蚊有三個包。