Seafood Stand (已結業)

黎到呢度，一心只為龍蝦帶子司令堡，可惜無貨，唯有轉戰牛魔王同蝦兵蟹將。漢堡包確實抵食，又大份又好味。牛魔王漢堡中間既係安格斯牛漢堡扒，肉汁juicy味美，夾住車打芝士，最愛配上蜜糖芥末醬，一絕。蝦兵蟹將堡入面夾住既係軟殼蟹同虎蝦，加埋大大片蕃茄，又係好滿足。唯獨係食落有啲麻煩，亦令我地兩位女士得出一個結論，第一次同男仔約會就唔好黎呢度喇。伴碟係芝麻醬沙律，都算新鮮好味。脆香芝士條，估唔到會可以入面既芝士心可以拉絲，又熱又香脆，唔錯。