燒肉LIKE (新都廣場)

營業中

休息中

呢間嘢係屋企附近真係成日都食，今次食咗個300g牛五花套餐，加咗溫泉蛋紫菜飯，配泡菜。首先，牛五花肉份量好多，雖然唔係最靚嘅肉質，但性價比算高，我一個女仔都差啲食唔晒。肉質有啲嫩，食落口都好香口，味道唔會太膩，好容易食。配上啲泡菜，啲泡菜都唔差喎，可以幫助中和肉嘅油膩感。溫泉蛋紫菜飯好好食，紫菜撈飯冇得輸，再加埋溫泉蛋真係超正，不過要加錢嚟講就爭咁啲。飯粒都彈牙，紫菜香味十足，溫泉蛋煮得啱啱好，蛋黃流心，好開胃。唯一嘅缺點就係要加錢，如果包埋就更好啦。整體嚟講，呢間餐廳啲套餐其實都算係幾抵食，特別係呢個牛五花套餐份量好多，好飽肚，值得推介。其他嘅話份量當然就少啲啦不過有得揀幾多g，唔睇價錢嘅話你想叫幾多都得啦，其實又唔係話好貴。