影片
更多
2016-06-06
1938 瀏覽
Happy Friday放工同朋友聚一聚，揀左呢一間餐廳，聽朋友講價錢平、份量足、質素高！所以決定黎試下！星期五晚上六點九到冇人排隊，但一到七點外面已經排滿人呢！好彩早到客人入座後店員會派張紙仔，客人需要到外面點餐，隨後會有店員將食物送到枱上。食物種類都算幾多，而且價錢合理唔算貴。同朋友share黎食，一個set一個薄餅已經食到好飽。環遊世界薄餅💰HKD58薄餅唔會太厚皮，材料都幾豐富。芝士味唔算重，勝在有好多蜜糖芥末籽，令整個薄餅都甜甜辣辣，好開胃。可惜我個人唔太中意生洋蔥，偏偏個薄餅好多生洋蔥，一食到就覺得好苦。另外，個薄餅亦唔係好夠熱。凱薩沙律配意式麵包+烤豬肋骨+波士頓龍蝦汁配海鮮意粉💰HKD66沙律就只有菜，比較乾身。麵包細細舊，香香地，尚算軟熟，幾好食。豬肋骨有兩條骨呢！肉質幾好唔係好靭，配上燒烤醬十分惹味。波士頓龍蝦汁配海鮮意粉，個汁方面都幾濃味，有少少杰身，甜甜地撈意粉十分不錯。海鮮份量都算多，普通未有特別。份量實在係好多，以66蚊嘅價錢食到呢個份量同質素，算係幾扺。有💰HKD8就有凍飲。總體上我對餐廳食物係十分滿意，原本我真係覺得呢間餐廳環境、價錢、服務都好好，但係食
客人入座後店員會派張紙仔，客人需要到外面點餐，隨後會有店員將食物送到枱上。食物種類都算幾多，而且價錢合理唔算貴。同朋友share黎食，一個set一個薄餅已經食到好飽。
環遊世界薄餅💰HKD58薄餅唔會太厚皮，材料都幾豐富。芝士味唔算重，勝在有好多蜜糖芥末籽，令整個薄餅都甜甜辣辣，好開胃。可惜我個人唔太中意生洋蔥，偏偏個薄餅好多生洋蔥，一食到就覺得好苦。另外，個薄餅亦唔係好夠熱。
凱薩沙律配意式麵包+烤豬肋骨+波士頓龍蝦汁配海鮮意粉💰HKD66
沙律就只有菜，比較乾身。麵包細細舊，香香地，尚算軟熟，幾好食。豬肋骨有兩條骨呢！肉質幾好唔係好靭，配上燒烤醬十分惹味。
波士頓龍蝦汁配海鮮意粉，個汁方面都幾濃味，有少少杰身，甜甜地撈意粉十分不錯。海鮮份量都算多，普通未有特別。
份量實在係好多，以66蚊嘅價錢食到呢個份量同質素，算係幾扺。有💰HKD8就有凍飲。
總體上我對餐廳食物係十分滿意，原本我真係覺得呢間餐廳環境、價錢、服務都好好，但係食到後半段，店外已經開始多人，而有十多個家長同小朋友等緊連位。我同朋友其實仲未食完，店員已經趕住收晒我枱上嘅碟。另外，多個家長同小朋友一直喺隔離擾攘。當時我都只係食左廿分鐘左右。
我都明白星期五晚飯時間多人，但我都係消費者，我都未進餐完畢，就趕住收晒我啲野，隔離一大班小朋友同家長走黎走去擾擾攘攘，為我地不斷製造無形壓力。
管理十分有問題，望店長店員注意。
張貼
